நாடாளுமன்றத்தில் ஏற்பட்ட கலவரம்.. கைது செய்யப்பட்ட நீலம் ஆசாத் தீவிர காங்கிரஸ் ஆதரவாளரா..

நாடாளுமன்ற மக்களவை நடைபெற்று கொண்டிருந்த போது பார்வையாளர் அரங்கில் இருந்து அத்துமீறி நுழைந்த 2 இளைஞர்கள், புகை குப்பிகளை வீசினர். இதனால் அங்கிருந்த எம்.பி-க்கள் அலறியடித்துக்கொண்டு வெளியே ஓடினர். அவர்களை நாடாளுமன்ற உறுப்பினர்களே மடக்கிப் பிடித்த நிலையில், பின்னர் இருவரும் அவை பாதுகாவலர்களால் கைது செய்யப்பட்டனர். அதே வேளையில், மக்களவையின் உள்ளே நுழைந்தவர்களுக்கு ஆதரவாக நாடாளுமன்றத்திற்கு வெளியே புகை குப்பிகளை வீசிய மகாராஷ்டிராவை சேர்ந்த நீலம் என்ற பெண்ணும், அன்மோல் ஷிண்டே என்பவரும் கைது செய்யப்பட்டனர்.

நாடாளுமன்றத்திற்கு வெளியே போராட்டம் நடத்தியபோது கைது செய்யப்பட்ட நீலம் ஆசாத் தீவிர காங்கிரஸ் ஆதரவாளர் என்று கூறினார். நாடாளுமன்ற பாதுகாப்பு மீறல் தொடர்பாக எதிர்க்கட்சிகள் அரசுக்கு எதிராக தாக்குதல் நடத்திய நிலையில், ஊடுருவல் தொடர்பாக கைது செய்யப்பட்ட பெண் காங்கிரஸ் மற்றும் இந்திய ஆதரவாளர் என்று கூறி ஆளும் பாஜக பதிலடி கொடுத்தது.

புதன்கிழமை பாராளுமன்றத்திற்கு வெளியே போராட்டம் நடத்தியபோது கைது செய்யப்பட்ட நீலம் ஆசாத், ஏற்கனவே மே மாதம் புது தில்லியில் நடைபெற்ற மல்யுத்தப் போராட்டத்தின் போது சாக்ஷி மாலிக்கின் தாயுடன் கைது செய்யப்பட்டார். மேலும் 2020-21 இல் விவசாயிகளின் போராட்டத்திற்கு தீவிரமாக ஆதரவளித்தார். ஹரியானாவின் ஜிந்த் மாவட்டத்தில் உள்ள காசோ குர்த் கிராமத்தைச் சேர்ந்தவர் ஆசாத். இவர் தனக்கு வேலை இல்லை என்ற காரணத்திற்காக வேலையின்மை நாட்டில் அதிகமாக இருக்கிறது என்பதை முன்னிறுத்தி பல்வேறு போராட்டங்களில் தன்னை ஈடுபடுத்திக் கொண்டு வருகிறார்.

Input & Image courtesy: News