இந்தியாவை சவால் விடுபவர்களுக்கு ஆபரேஷன் சிந்தூர் பதில்: மத்திய உள்துறை அமைச்சர்!

ஏப்ரல் 22, 2025 அன்று காஷ்மீரின் பஹல்காமில் நடந்த கொடூரமான பயங்கரவாதத் தாக்குதலுக்குப் பிறகு, அதற்குக் காரணமானவர்களுக்கும் ஆதரவாளர்களுக்கும் நாடு தகுந்த பதிலடி கொடுக்கும் என்று பிரதமர் நரேந்திர மோடி கூறியதாக மத்திய உள்துறை அமைச்சர் அமித் ஷா தெரிவித்தார். ஆபரேஷன் சிந்தூர் தொடர்பான பிரதமர் நரேந்திர மோடியின் உறுதியான தீர்மானம் மற்றும் முடிவுக்கு உள்துறை அமைச்சர் நன்றி தெரிவித்தார். இந்தியாவின் எல்லைகள், ராணுவம் மற்றும் குடிமக்களுக்கு சவால் விடத் துணிபவர்களுக்கு பாரதத்திலிருந்து கிடைத்த ஒரு பொருத்தமான பதில்தான் ஆபரேஷன் சிந்தூர் என்று அவர் கூறினார். கூட்டத்தில் கலந்து கொண்ட அனைத்து முதலமைச்சர்களும், துணைநிலை ஆளுநர்களும் ஆபரேஷன் சிந்தூரின் வெற்றிக்காக பிரதமர் மோடி மற்றும் முப்படைகளுக்கு வாழ்த்து தெரிவித்தனர்.

பஹல்காம் பயங்கரவாதத் தாக்குதலைப் புறக்கணிக்காமல், ஆபரேஷன் சிந்தூர் மூலம் உலகிற்கு ஒரு வலுவான செய்தியை அனுப்பியதாக மத்திய உள்துறை அமைச்சர் கூறினார். குறிப்பிட்ட உள்ளீடுகளுக்குப் பிறகு பயங்கரவாத முகாம்களுக்கு எதிராக இந்திய ஆயுதப் படைகளால் தொடங்கப்பட்ட ஆபரேஷன் சிந்தூர், உலகம் முழுவதும் பயங்கரவாதத்திற்கு எதிராக மோடி அரசின் பூஜ்ஜிய சகிப்புத்தன்மை கொள்கைக்கு ஒரு சான்றாகும் என்று அவர் கூறினார். இந்த நேரத்தில் நாடு வெளிப்படுத்திய ஒற்றுமை, நாட்டு மக்களின் மன உறுதியை உயர்த்தியுள்ளது என்று அமித் ஷா கூறினார்.

மே 6-7, 2025 இடைப்பட்ட இரவில், இந்திய ஆயுதப் படைகள் பயங்கரவாதிகளுடன் தொடர்புடைய ஒன்பது குறிப்பிட்ட இடங்களைத் தாக்கி, அவற்றின் உள்கட்டமைப்பை அழித்ததாக அமித் ஷா கூறினார். இந்திய ஆயுதப் படைகள் நடத்திய நடவடிக்கையில், பயங்கரவாத பயிற்சி முகாம்கள், ஆயுதத் தளங்கள் மற்றும் லஷ்கர்-இ-தொய்பா, ஜெய்ஷ்-இ-முகமது, ஹிஸ்புல் முஜாஹிதீன் மற்றும் பிற பயங்கரவாதக் குழுக்கள் போன்ற அமைப்புகளின் மறைவிடங்கள் முற்றிலுமாக அழிக்கப்பட்டதாக உள்துறை அமைச்சர் கூறினார்.