மேற்கு வங்காளம்: 6ம் கட்ட தேர்தலுக்கான வாக்குப்பதிவு தொடங்கியது.!

மேற்கு வங்காளத்தில் இன்று 6ம் கட்ட வாக்குப்பதிவு நடைபெற்று வருகிறது. இதனை முன்னிட்டு பலத்த பாதுகாப்பு ஏற்பாடுகள் செய்யப்பட்டுள்ளது.

மேற்கு வங்க சட்டசபைக்கான தேர்தல் 8ம் கட்டமாக நடைபெறும் என தேர்தல் ஆணையம் அறிவித்தது. அதன்படி மாநிலத்தில் இதுவரை 5 கட்ட தேர்தலுக்கான வாக்குப்பதிவு நடைபெற்று முடிந்தது.

இந்நிலையில், இன்று 6ம் கட்ட தேர்தலுக்கான வாக்குப்பதிவு இன்று காலை 7 மணி முதல் தொடங்கி நடைபெற்று வருகிறது.

இதில் வடக்கு 24 பர்கானாக்கள், நாடியா, கிழக்கு பர்தமான், உத்தர் தினாஜ்பூர் ஆகிய 4 மாவட்டங்களை சேர்ந்த 43 தொகுதிகளில் வாக்குப்பதிவு நடைபெற்று வருகிறது. இதற்காக மொத்தம் 14,480 வாக்குச்சாவடிகள் அமைக்கப்பட்டு உள்ளது குறிப்பிடத்தக்கது.