Top
Kathir News
Begin typing your search above and press return to search.

ஹரிவராசனத்தையும் விட்டுவைக்காத மிஷனரிகள் - கொதிக்கும் ஐயப்ப பக்தர்கள்.!

ஹரிவராசனத்தையும் விட்டுவைக்காத மிஷனரிகள் - கொதிக்கும் ஐயப்ப பக்தர்கள்.!

ஹரிவராசனத்தையும் விட்டுவைக்காத மிஷனரிகள் - கொதிக்கும் ஐயப்ப பக்தர்கள்.!

By : Yendhizhai Krishnan

  |  17 Dec 2020 12:53 PM GMT

இந்து மத அடையாளங்களையும் கலாச்சாரத்தையும் காப்பி அடித்து வரும் கிறிஸ்தவர்கள், புதிய உச்சமாக சுவாமி ஐயப்பனை உறங்க வைக்க இசைக்கப்படும் ஹரிவராசனம் பாடலைக் காப்பி அடித்து இயேசுவுக்கு பாடல் இயற்றியுள்ளனர். கேரளாவில் மட்டுமல்லாமல் நாடு முழுவதும் பிரபலமான பாடல் ஹரிவராசனம்.

ஹரிஹராத்மக அஷ்டகம் என்ற சமஸ்கிருத பாடலாக இயற்றப்பட்டு கடந்த 1957ஆம் ஆண்டு சுவாமி ஐயப்பன் திரைப்படத்துக்காக இசையமைப்பாளர் தேவராஜன் இசையில், ஐயப்ப பக்தரான ஜேசுதாஸ் குரலில் ஒலிப்பதிவு செய்யப்பட்டது. 352 எழுத்துக்கள்,108 வார்த்தைகள் கொண்ட 8 பத்திகளாக அமைந்துள்ள ஹரிவராசனம் பாடல் சபரிமலையில் தினமும் மாலை நேர பூஜைக்குப் பின்னர் சுவாமி ஐயப்பனை நித்திரைக்கு அழைத்துச் செல்ல இசைக்கப்படுகிறது.

ஹரிவராசனம் பாடல் ஒலிக்கத் துவங்கிய உடன் பூஜாரிகள் ஒவ்வொருவராக சன்னிதானத்தில் இருந்த வெளியேறத் தொடங்குவராம். மேல் சாந்தி ஒவ்வொரு விளக்காக அணைத்துக் கொண்டே வந்து இறுதியாக கடைசி வரி இசைக்கப்படும் போது கதவுகளைப் பூட்டி விட்டு சுவாமி ஐயப்பனை நித்திரை கொள்ளச் செய்து விட்டு வெளியேறுவாராம்.

நாட்டில் ஹரிவராசனம் பாடல் ஒலிக்காத ஐயப்ப பக்தர்கள் வீடே இல்லை எனும் அளவுக்கு புகழ் பெற்ற பாடல் இது. மத மற்றும் கலாச்சார ரீதியாக மிகுந்த முக்கியத்துவம் வாய்ந்தது. இத்தகைய பாடலைத் தான் கிறிஸ்தவர்கள் காப்பி அடித்திருக்கிறார்கள். காப்பி ரைட்ஸ் பிரச்சினை ஒருபுறம் இருக்க, கிறிஸ்தவர்களே இந்த செயலை விமர்சித்து வருகிறார்கள்.

இந்துக்களுக்கு ஆதரவாக கிறிஸ்தவர்கள் விமர்சிப்பதாக நினைத்தால் அது தவறு. சிலை வழிபாட்டில் ஈடுபடுபவர்களைக் குறிக்கும் Pagan என்ற வார்த்தையைப் பயன்படுத்தி பலரும் எதிர்மறையாக விமர்சித்து இருக்கின்றனர். அமெரிக்காவில் சிகாகோ திருச்சபையில் பாதிரியாராக உள்ள ஃபிரான்சிஸ் நம்பியப்பரம்பில் என்பவர் தான் ஹரிவராசனம் பாடலின் இசைக்கு யேசுவைப் புகழ்ந்து பாடல் வரிகீளை எழுதி பாடவும் செய்திருக்கிறார்.

"சிலை வழிபாட்டை ஊக்குவிக்கும் ஹரிவராசனம் பாடலால் தான் உங்களுக்கு பக்தி பெருக்கெடுக்க வேண்டுமா?" "ஐய்யய்ய Pagan பழக்கமா!" "நீர் கிறிஸ்துவுக்கு ஆதரவானவரா எதிரானவரா? இத்தகைய போலி பாஸ்டர்களை தலைமைப் பொறுப்பில் இருப்பவர்கள் தடை செய்ய வேண்டும்" என்றும் பலர் திட்டியும், "நமக்கென்று வழிபாட்டு முறைகள் இருக்கின்றன. அதை மட்டும் பின்பற்றுவது நலம்" என்று அறிவுரை கூறியும் பல கிறிஸ்தவர்கள் கமெண்ட் செய்துள்ளனர்.

இந்துக்கள் சபரிமலை ஐயப்பனுக்கு கார்த்திகை மாதம் மாலை அணிந்து விரதம் இருந்து நடை பயணமாக சன்னிதானத்துக்கு செல்வது மதமாற்றத்துக்கு பெரும் தடையாக இருப்பதாக கருதப்படுகிறது. எனவே தான் இந்த குழப்பும் முயற்சி என்று இந்துக்கள் விமர்சிக்கின்றனர். இந்து மக்களை கிறிஸ்தவ மதத்துக்கு மாற்ற முயற்சித்த கிறிஸ்தவர்கள் இப்போது அவர்களது கடவுளையே‌ இந்துவாக மாற்றி விட்டனர் என்றும் சிலர் விமர்சித்து வருகின்றனர்.

எனினும் சில இந்துக்கள் இந்தப் பாடலை ரசித்து 'மதநல்லிணக்கம், மதச்சார்பின்மை' என்று கண்ணைக் கட்டிக் கொண்ட பூனையாய் நடந்து கொள்வதையும் பார்க்க முடிகிறது. கடந்த நவம்பர் மாதம் யூடியூபில் பதிவேற்றம் செய்யப்பட்ட இந்த பாடல் தற்போது சமூக ஊடகங்களில் பெரும் பரபரப்பை ஏற்படுத்தியுள்ளது.
Next Story