800 குளங்கள் என்ன ஆச்சு? அ.தி.மு.க கொண்டு வந்த அத்திக்கடவு-அவிநாசி திட்டத்தில் தி.மு.க அரசு செய்துள்ள குளறுபடி!
800 ponds left out of Athikadavu Avinashi Project, allege Farmers
By : Muruganandham
அத்திக்கடவு அவிநாசி திட்டத்தில், 800க்கும் மேற்பட்ட சிறிய குளங்கள் விடுபட்டுள்ளதாக, சமூக ஆர்வலர்கள் மற்றும் கிராம மக்கள் குற்றம் சாட்டுகின்றனர்.
பவானி ஆற்றில் இருந்து உபரி நீரை உறிஞ்சி, திருப்பூர், கோவை, ஈரோடு மாவட்டங்களில் வறட்சி பாதித்த பகுதிகளில் உள்ள நீர்நிலைகளுக்கு திருப்பி விடுவது இத்திட்டத்தின் நோக்கமாகும். 1,800 கோடி மதிப்பீட்டில் மேற்கொள்ளப்படும் இது, 37 பொதுப்பணித் தொட்டிகள், 47 பஞ்சாயத்து குளங்கள் மற்றும் 971 பெரிய குளங்கள் உட்பட, 1,045 குளங்களை நிரப்ப உதவும்.
போராட்டக் குழு ஒருங்கிணைப்பாளர் கே.சுப்பிரமணியம் கூறுகையில்,ஜூன் முதல் செப்டம்பர் வரையிலான பருவமழையின் போது பவானி ஆற்றில் வெள்ளம் கரைபுரண்டு ஓடுகிறது. பல ஆண்டுகால கோரிக்கைக்கு பிறகு அதிமுக அரசு இத்திட்டத்தை துவக்கியது. ஆனால், தற்போது பல சிறிய குளங்கள் திட்டத்தில் இணைக்கப்படாததால், கிராம மக்கள் வருத்தம் அடைந்துள்ளனர். உதாரணமாக, துலுக்கமுத்தூர் கிராமத்தில் உள்ள பெரிய குளமும் (50 ஏக்கர்), மேற்குபதி கிராமத்தில் உள்ள ஒன்றும் (100 ஏக்கர்) இணைக்கப்பட்டுள்ள நிலையில், இவை இரண்டிற்கும் இடையே உள்ள ஏழு சிறிய குளங்கள் இணைக்கப்படவில்லை. இது தவிர, தேரவள்ளூர் கிராமத்தில் உள்ள 15 குளங்கள் (அனைத்தும் 2-8 ஏக்கர்) நான்கு கிலோமீட்டர் தொலைவில் உள்ள துலுக்காமுத்தூர் குளத்தின் அருகே அமைந்திருந்தாலும், இணைக்கப்படவில்லை. முழு கிராமமும் திட்டத்தில் இருந்து விடுபட்டுள்ளது," என்றார்.
ஆறு பம்ப் ஹவுஸ்கள் கொண்ட சுமார் 24,468 ஏக்கர் விளைநிலங்களை செழிப்பாக்குவதை நோக்கமாகக் கொண்ட இந்த திட்டம், விரிவான கணக்கெடுப்பின் அடிப்படையில் திட்டமிடப்பட்டது. பைப்லைன்களின் மொத்த நீளம் சுமார் 1,058 கிலோமீட்டர்கள் ஆகும். இதில் பிரதான குழாய் (105 கிமீ) மற்றும் ஃபீடர் லைன்கள் (935 கிமீ) ஆகியவை அடங்கும்.
அவிநாசி மாவட்ட யூனியன் சேர்மன் பி.ஜெகதீஷ் கூறுகையில், ''மாநில அரசு (முந்தைய அ.தி.மு.க., ஆட்சி) திட்டத்தை விரைந்து முடிக்க விரும்பியதால், அவிநாசியில் உள்ள குளங்களை கணக்கெடுக்க, தனியார் ஏஜென்சியை நியமித்தது. இத்திட்டத்தின் கீழ், பல பெரிய குளங்கள் பட்டியலிடப்பட்டு இணைக்கப்பட்டன. உதாரணமாக நம்பியம்பாளையம் கிராமத்தில் உள்ள அனைத்து குளங்களும் இத்திட்டத்தின் கீழ் சேர்க்கப்பட்டுள்ளன.ஆனால் சில கிராமங்களில் சிறுகுளங்கள் இல்லை. அளவை முறையாக மேற்கொள்ளப்படவில்லை என நம்புகிறேன். சிறிய மற்றும் நடுத்தர குளங்களை இணைக்க உடனடி கணக்கெடுப்பு நடத்த வேண்டும். பெரும்பாலான சிறிய குளங்கள் முழுக்க முழுக்க மழையை நம்பியே உள்ளன. இத்திட்டத்தின் கீழ் அவற்றை இணைப்பது விவசாயிகளுக்கு பெரிதும் பயனளிக்கும் என்றார்.
பொதுப்பணித்துறை கண்காணிப்பாளர் பொறியாளர் எஸ்.சிவலிங்கம் பேசுகையில், "அறிவியல் கணக்கெடுப்பின் அடிப்படையில் இத்திட்டம் திட்டமிடப்பட்டது. ஒவ்வொரு குளத்தின் கொள்ளளவை பொறுத்து பெரிய குளங்களை இணைக்கும் முறை உருவாக்கப்பட்டது என்றார். தலைமைப் பொறியாளர் தலைமையில் பொதுப்பணித் துறை அதிகாரிகள் குழு, நொய்யல் மற்றும் பவானி ஆறுகளுக்கு இடையே உள்ள குளங்களை ஆய்வு செய்து வருவதாக அவர் தெரிவித்தார். அவர்களின் அறிக்கையின் அடிப்படையில், கூடுதல் குளங்களை இணைக்க அத்திக்கடவு அவிநாசி திட்டம் கட்டம்-2 தொடங்கப்படும், என்றார்.
