Kathir News
Begin typing your search above and press return to search.

விரிவடையும் சீன - பாகிஸ்தான் இராணுவ உறவு: விழிப்புடன் இந்தியா!

விரிவடையும் சீன - பாகிஸ்தான் இராணுவ உறவு: விழிப்புடன் இந்தியா!

Saffron MomBy : Saffron Mom

  |  13 July 2021 12:53 PM GMT

சீனா - பாகிஸ்தான் இராணுவ மற்றும் மூலோபாய உறவு தொடர்ந்து விரிவடைந்து வருகிறது. சமீபத்தில், பாகிஸ்தான், சீனாவில் தயாரிக்கப்பட்ட VT-4 போர் பீரங்கிகளின் முதல் பேட்ச்சை தனது ராணுவத்தில் சேர்த்தது. சீன அரசுக்கு சொந்தமான பாதுகாப்பு உற்பத்தியாளரான நோரிங்கோ (Norinco) வால் கட்டமைக்கப்பட்ட VT-4 டாங்கிகள் ஏப்ரல் 2020 முதல் பாகிஸ்தானுக்கு வழங்கப்பட்டன.

தாய்லாந்து மற்றும் நைஜீரியாவிற்கு அடுத்தபடியாக VT-4 பீரங்கிகளை வாங்கும் மூன்றாவது நாடு பாகிஸ்தான் ஆகும். பாக்கிஸ்தான் ராணுவத்தின் ஊடகங்கள் மற்றும் மக்கள் தொடர்பு பிரிவான இன்டர்-சர்வீசஸ் பப்ளிக் ரிலேஷன்ஸ் (ISPR) கூறுகையில்,"உலகின் எந்த நவீன டேங்க்குடனும் VT-4 இணக்கமானது" என்றும் " இந்த மூன்றாம் தலைமுறை டேங்குகள் தாக்குதலின் போது பயன்படுத்தப்படும்" என்று இராணுவம் மேலும் குறிப்பிட்டது.

இதேபோல், சீனாவில் தயாரிக்கப்பட்ட போர் ட்ரோன்கள் அல்லது ஆளில்லா போர் வான்வழி வாகனங்களை (UCAV) இந்தியாவுக்கு எதிராக பாகிஸ்தான் பயன்படுத்தக்கூடும் என்பதை புறக்கணிக்க முடியாது. பலகாலமாக ட்ரோன்களின் இறக்குமதியாளராக இருந்த சீனா, இன்று பல நாடுகளுக்கு சிவில் மற்றும் போர் UAVக்களின் முக்கிய ஏற்றுமதியாளராக உருவெடுத்துள்ளது.

டிசம்பரில், 50 Wing Loong II UCAV பாகிஸ்தானுக்கு சீனா விற்க முடிவு செய்ததை சீன ஊடகங்கள் விளம்பரப்படுத்தின. அப்போது "இந்திய இராணுவத்திற்கு உயரமான பகுதிகளில் இத்தகைய புதிய வகை ஆயுதங்களுக்கு பதிலளிக்கும் திறன் இல்லாததால், இந்திய தரை அமைப்புகளுக்கு இது ஒரு சவாலாக இருக்கும்" என்று கூறியது.

பல பாதுகாப்பு ஆய்வாளர்களும், இந்திய இராணுவமும் இந்தியா-பாகிஸ்தான் எல்லை அல்லது இந்தியா-சீனா எல்லையின் மூலம் வரும் ட்ரோன்களின் தாக்கத்தை குறைத்து மதிப்பிட்டதா என்ற கேள்வி எழுகிறது. 2020 டிசம்பரில், விங் லூங் II இன் சீன விற்பனை குறித்து கருத்துத் தெரிவித்த இந்திய விமானப்படைத் தலைவர், "வான்வெளி ரேடார்கள் மூலம் உன்னிப்பாகக் கண்காணிக்கப்படுகின்றன. ஆயுதம் ஏந்திய ட்ரோன்கள் எல்லைகளைக் கடந்தால் சுட்டு வீழ்த்தப்படும்" என்று தெரிவித்திருந்தார்.

ஆனால் ஆறு மாதங்களுக்குப் பிறகு, ஜூன் மாத இறுதியில், ஜம்முவில் உள்ள இந்திய விமானப்படை நிலையத்தின் உயர் பாதுகாப்பு தொழில்நுட்பப் பகுதியில் ட்ரோன் தாக்குதல் நடந்தது. ட்ரோன் எல்லை தாண்டி வந்ததா அல்லது உள்நாட்டில் கட்டுப்படுத்தப்பட்டதா என்பது தெளிவாகத் தெரியவில்லை.

சீனா-பாகிஸ்தான் பாதுகாப்பு வர்த்தகம் புதியதல்ல, சமீபத்தில் சீன பாதுகாப்பு அமைச்சர் ஜெனரல் வீ ஃபெங்ஷே 2020 நவம்பரின் பிற்பகுதியில் இஸ்லாமாபாத்திற்கு விஜயம் செய்தார், மேலும் இரு நாடுகளும் சீன மக்கள் விடுதலை இராணுவம் (PLA) மற்றும் பாகிஸ்தான் இராணுவம் இடையே பாதுகாப்பு ஒத்துழைப்பை மேம்படுத்துவதை நோக்கமாகக் கொண்ட புரிந்துணர்வு ஒப்பந்தத்தில் கையெழுத்திட்டன.

தனது வருகையின் போது, ​​வெயி ,பாகிஸ்தான் ஜனாதிபதி மற்றும் பிரதமரை சந்தித்தார், இருவரும் சீனாவின் தொடர்ச்சியான ஆதரவுக்கு நன்றி தெரிவித்தனர். பாக்கிஸ்தானின் ஜனாதிபதி ஆரிஃப் ஆல்வி, இரு நாடுகளும் "சீனா-பாகிஸ்தான் பொருளாதார தாழ்வாரம் (CPEC) மற்றும் பாதுகாப்பு துறைகளை நிர்மாணிப்பதில் ஒத்துழைப்பை மேலும் வலுப்படுத்த வேண்டும்" என்று நம்புவதாகக் கூறினார். தென் சீனக் கடல், தைவான், சின்ஜியாங் மற்றும் திபெத் உள்ளிட்ட முக்கிய பிரச்சினைகளில் சீனாவின் நிலைப்பாட்டை பாகிஸ்தான் முழுமையாக ஆதரிக்கிறது என்பது நிச்சயமாக சீனாவுக்கு ஆறுதலளிக்கும்.

சீனா-பாகிஸ்தான் கூட்டு இராணுவப் பயிற்சிகளும் அதிகரித்து வருகிறது. மே மாதத்தில், இரு நாடுகளும் திபெத்தில் உள்ள உண்மையான கட்டுப்பாட்டுக் கோட்டுக்காக ஒரு கூட்டுப் பயிற்சியை நடத்தினர். இந்தியாவுக்கும் சீனாவிற்கும் இடையிலான கால்வான் மோதலின் பின்னணியில் இந்த கூட்டு இராணுவப் பயிற்சி வந்தது. பங்கேற்கும் படைகளின் பல விவரங்கள் கிடைக்கவில்லை, ஆனால் சீன இராணுவ தரப்பில் இருந்து, 3 வான் பாதுகாப்பு பிரிவு பங்கேற்றதாக தெரிவிக்கப்படுகிறது. இந்த பயிற்சிக்கு முன்னர், சீன மற்றும் பாகிஸ்தான் இராணுவம் பாகிஸ்தானில் சர்கோதாவில் பயிற்சிக்கு முந்தைய பயிற்சி செய்ததாக கூறப்படுகிறது.

டிசம்பரில், சீன விமானப்படை மற்றும் பாகிஸ்தான் விமானப்படை ஆகியவை சிந்துவில் ஷாஹீன் (ஈகிள்) IX என்ற கூட்டுப் பயிற்சியில் பங்கேற்றன.

இரு நாடுகளின் விமானப்படைகளுக்கு இடையில் நடைபெற்ற ஷாஹீன் IX பயிற்சியை ஆய்வு செய்த பின்னர், பாகிஸ்தானின் இராணுவத் தளபதி ஜெனரல் கமர் ஜாவேத் பஜ்வா கருத்து தெரிவிக்கையில், இந்த பயிற்சிகள் "இரு விமானப்படைகளின் போர் திறனையும் கணிசமாக மேம்படுத்தும்" என்று கூறினார்.

பாகிஸ்தான், பல்லாண்டுகளாக சீனாவுக்கு ஒரு முக்கிய பங்காளியாக இருந்து வருகிறது. அதன் முக்கியத்துவம் பல காரணங்களுக்காக மேலும் அதிகரித்திருக்கலாம். ஒன்று, சீனா தனது 'இராஜதந்திரத்தின்' காரணமாக இந்தோ-பசிபிக் பகுதியில் இருந்து ஐரோப்பா வரை ஏராளமான நாடுகளின் பகைமையை சம்பாதித்துள்ளது. இது பாகிஸ்தானைப் போன்ற சில உண்மையான பங்காளிகளின் முக்கியத்துவத்தை அதிகரிக்கிறது. . மேலும், இந்தியாவுடனான சீன உறவுகள் மோசமடைந்து வருவதால் அமெரிக்கா, ஆஸ்திரேலியா , ஜப்பான் உள்ளிட்ட அதன் நட்பு நாடுகளுடன் இந்தியாவின் நெருக்கம் அதிகமாகிவிட்டது.

இந்தியா, கூடுதலாக, அமெரிக்கா, ஆஸ்திரேலியா மற்றும் ஜப்பானுடன் (குவாட் என அழைக்கப்படுகிறது), மற்றும் பல நாடுகளுடன் கூட்டுறவை உருவாக்கியுள்ளது. இந்தியா வெளிப்படையாக சொல்ல தயங்கினாலும் இந்த புதிய கூட்டாண்மைகள் அனைத்தும் சீனாவை எதிர்ப்பதற்காக தெளிவாக வடிவமைக்கப்பட்டுள்ளன. இதனால் இந்தியாவை எதிர்கொள்ள சீனா பாகிஸ்தானையும் சார்ந்திருக்க வேண்டியதாகியுள்ளது.

பாகிஸ்தான் மீதான சீனாவின் சார்பு பெருகுவதற்கான மற்றொரு காரணம் ஆப்கானிஸ்தானில் உருவாகி வரும் சூழ்நிலையுடன் தொடர்புடையது. தலிபான்களுடன் நல்ல உறவுகளை விரும்ப சீனாவுக்கு பல காரணங்கள் உள்ளன. ஒன்று, ஆப்கானிஸ்தானில் இருந்து சின்ஜியாங்கிற்கு தீவிரவாதிகள் பரவுவதற்கான சாத்தியக்கூறு குறித்து சீனா தெளிவாக கவலை கொண்டுள்ளது. ஒரு மூத்த தலிபான் அதிகாரி கூறுகையில், "நாங்கள் முஸ்லிம்களின் அடக்குமுறையைப் பற்றி கவலைப்படுகிறோம், அது பாலஸ்தீனத்திலோ, மியான்மரிலோ, சீனாவிலோ இருந்தாலும், உலகெங்கும் முஸ்லிமல்லாதவர்களை ஒடுக்குவது குறித்தும் நாங்கள் அக்கறை கொள்கிறோம். ஆனால் நாங்கள் சீனாவின் உள் விவகாரங்களில் தலையிடப்போவதில்லை " என்றார். சீனாவின் உள்நாட்டு விவகாரங்களில் தலையிட மாட்டேன் என்று தலிபான் வாக்குறுதி சீனாவிற்கு ஆறுதல் அளித்தாலும், இது சீனா புறக்கணிக்க முடியாத ஒரு பிரச்சினை.

கூடுதலாக, அமெரிக்கா வெளியேறுவதால், ஆப்கானிஸ்தான் வழியாக மத்திய ஆசியாவிற்கு அதிக அணுகலை சீனா விரும்பக்கூடும். பாகிஸ்தான் தலிபான்களுடன் வைத்திருக்கும் தொடர்புகள் மூலமாக மட்டுமே இவை அனைத்தும் சாத்தியமாகும். இவை அனைத்தும் ஏற்கனவே ஆழமான சீன-பாகிஸ்தான் இராணுவ மற்றும் மூலோபாய உறவு தொடர்ந்து விரிவடையும் எனக் காட்டுகிறது.

Next Story