காப்பர் ஏற்றுமதியாளராக இருந்து மூன்று ஆண்டுகளில் இறக்குமதியாளராக மாறிய இந்தியா.! #Sterlite
4 லட்சம் டன் உற்பத்தி திறன் கொண்ட வேதாந்தாவின் துணை நிறுவனமான ஸ்டெர்லைட் காப்பர் ஆலையை மூடியதே இதற்கு முக்கிய காரணம்.
By : Saffron Mom
சில ஆண்டுகளுக்கு முன்பு வரை சுத்திகரிக்கப்பட்ட தாமிரத்தின் முக்கிய ஏற்றுமதியாளராக விளங்கிய இந்தியா, தூத்துக்குடியில் ஸ்டெர்லைட் ஆலை தொடர்ந்து மூடப்பட்டிருக்கும் காரணத்தினால் தொடர்ந்து மூன்றாவது ஆண்டாக நிகர இறக்குமதியாளராக மாற வேண்டிய கட்டாயத்திற்கு உள்ளாகி உள்ளது.
இது குறித்து செய்திகள் வெளியிட்டுள்ள "தி பிரிண்ட்" செய்திகள், இந்தியாவின் தாமிர ஏற்றுமதியில் உருவாகியுள்ள கூர்மையான வீழ்ச்சி, பாகிஸ்தானுக்கு சாதகமானது என்று நிரூபிக்கப்பட்டுள்ளதாக தெரிவித்துள்ளது. குறிப்பாக சீனா போன்ற நாடுகளுக்கு ஏற்றுமதி செய்வதில் பாகிஸ்தான் நடவடிக்கை எடுத்துள்ளது என வர்த்தக தரவு மற்றும் ஏற்றுமதியாளர்கள் தெரிவித்துள்ளனர்.
இந்தியா நிகர இறக்குமதியாளராக மாறுவதற்கு முக்கிய காரணம், இறக்குமதியில் கூர்மையான அதிகரிப்பு மற்றும் ஏற்றுமதியில் சுருக்கம் ஆகியவையாகும். 4 லட்சம் டன் உற்பத்தி திறன் கொண்ட வேதாந்தாவின் துணை நிறுவனமான ஸ்டெர்லைட் காப்பர் ஆலையை மூடியதே இதற்கு முக்கிய காரணம்.
தூத்துக்குடியில் உள்ள ஸ்டெர்லைட் காப்பர்ஸ் செப்பு கரைக்கும் ஆலை 2018 மே மாதம் தமிழக அரசால் மூடப்பட்டது. இந்த ஆலை அப்பகுதியில் வசிப்பவர்களுக்கு சுகாதார அபாயத்தை ஏற்படுத்தியுள்ளது என்று பல வன்முறை ஆர்ப்பாட்டங்களைத் தொடர்ந்து இது நிகழ்ந்தது.
"தூத்துக்குடியில் வேதாந்தா லிமிடெட்டின் 400 ஆயிரம் டன் செப்பு ஸ்மெல்ட்டரை மூடியதன் காரணமாக கடந்த இரண்டு நிதி ஆண்டுகளில் இருந்து உள்நாட்டு தாமிரத் தொழில் அதன் திறனில் கிட்டத்தட்ட பாதியில் இயங்குகிறது" என்று CARE மதிப்பீடுகள் பிப்ரவரி 18ம் தேதி அறிக்கையில் தெரிவித்தன. வேதாந்தாவின் செப்பு உருகும் வசதியை மீண்டும் தொடங்கும் வரை, இந்த நிதியாண்டிலும் தாமிர நிகர இறக்குமதியாளராக இந்தியா தொடரும் என்று அது மேலும் கூறியுள்ளது.
அரசாங்கத்திடம் கிடைத்த தரவுகளின்படி, சுத்திகரிக்கப்பட்ட செம்பு இறக்குமதி 2017-18 ஆம் ஆண்டில் 44,245 டன்னிலிருந்து, 2018-19 ஆம் ஆண்டில் 92,290 டன்னாக அதிகரித்துள்ளது. ஏற்றுமதி 2017-18 ஆம் ஆண்டில் 3.78 லட்சம் டன்னிலிருந்து 2018-19ல் 47,917 டன்னாகக் குறைந்துள்ளது. இதன் விளைவாக 2017-18 ஆம் ஆண்டில் நிகர ஏற்றுமதி 3,34,310 டன்னிலிருந்து 2018-19 ஆம் ஆண்டில் 44,373 டன் நிகர இறக்குமதி செய்யப்பட்டது.
மதிப்பைப் பொறுத்தவரை, சுத்திகரிக்கப்பட்ட தாமிரத்தின் இந்தியாவின் நிகர ஏற்றுமதி 2017-18 ஆம் ஆண்டில் $2 பில்லியனுக்கும் அதிகமாக இருந்தது. 2018-19 ஆம் ஆண்டில்அதே இந்தியா நிகர இறக்குமதியாளராக மாறியது.
பல தொழில்களில் தாமிரம் ஒரு முக்கிய உள்ளீடாகும். மின்சாரம் மற்றும் தொலைத்தொடர்பு துறையில் தாமிர நுகர்வுகளில் மிகப்பெரிய பங்கு இருந்தது. அதைத் தொடர்ந்து போக்குவரத்து, நுகர்வோர் பொருட்கள், கட்டிடம் மற்றும் கட்டுமானம் மற்றும் பொறியியல் பொருட்கள் ஆகியவற்றிலும் தாமிரத்தின் பங்கு உள்ளது.
தொடர்ச்சியான மூன்று மாதங்கள் குறைவான இறக்குமதி இருந்தது. கொரானா வைரஸ் காரணமாக ஏற்பட்ட ஊரடங்குக்குப் பிறகு திறக்கப்பட்ட உள்ளூர் உற்பத்தி பிரிவுகளின் தேவை அதிகரித்ததன் காரணமாக இந்தியாவின் செப்பு இறக்குமதி செப்டம்பர் முதல் மீண்டும் உயரத் தொடங்கியது.
எஃகு தயாரிப்புகளைப் போலவே, இந்தியாவின் செப்பு ஏற்றுமதியும் , நடப்பு நிதியாண்டின் முதல் சில மாதங்களில், உள்ளூர் தேவை இல்லாததால், (இந்தியாவில் தொழில்கள் தொற்றுநோயால் மூடப்பட்டிருந்ததால்) குறிப்பாக சீனாவுக்கு அதிகரித்தது. இருப்பினும், உள்நாட்டு தொழில் மீண்டும் தொடங்கப்படுவதால், ஏற்றுமதி குறைந்துவிட்டது.
சுத்திகரிக்கப்பட்ட தாமிரத்தின் பற்றாக்குறை மற்றும் சீனாவின் வலுவான தேவை ஆகியவற்றினால் உலகளாவிய விலைகளும் அதிகரித்து வருகின்றன. இது உள்ளூர் தொழில்களுக்கான செலவுகளை உயர்த்தியுள்ளது, அவை அவற்றின் உற்பத்திக்கு தாமிரத்தை நம்பியுள்ளன, இது ஸ்டெர்லைட் ஆலையை மீண்டும் திறக்க சில உள்ளூர் தொழில்துறை அமைப்புகளின் கோரிக்கைகளுக்கு வழிவகுத்தது.
தாமிரத் தாது சுரங்கத்தின் தற்போதைய பிரச்சினை மற்றும் வலுவான தேவை (குறிப்பாக சீனாவிற்கு), தொடர்ந்து இருக்கும் என்று எதிர்பார்க்கப்படுகிறது. இதனால் அடுத்த காலாண்டில் தாமிர விலை இன்னும் உயரும் என எதிர்பார்க்கப்படுகிறது.
