பிரதமரின் ஏழைகள் நலவாழ்வு உணவுத் திட்டம்:பயனடையும் கோடிக்கணக்கான மக்கள்!

இன்று நடைபெற்ற மக்களவையில் பிரதமரின் ஏழைகள் நலவாழ்வு உணவுத் திட்டத்தின் கரீப் கல்யாண் அன்ன யோஜனா கீழ் இலவச உணவு தானியங்கள் வழங்கப்பட்டன இந்த திட்டத்தின் கீழ் இதுவரையிலான 7 கட்டங்களில் 1118 லட்சம் மெட்ரிக்டன் உணவு தானியங்கள் ஒதுக்கப்பட்டது என்பதை மத்திய உணவு மற்றும் பொது விநியோக துறை தெரிவித்துள்ளது மேலும் 2024ம் ஆண்டில் உணவு மற்றும் பொது விநியோகத்துறை மேற்கொண்ட முக்கிய நடவடிக்கைகள் வருமாறு

கரீப் கல்யாண் அன்ன யோஜனா

ஏழைகள் மற்றும் நலிவடைந்த பிரிவினர் நாட்டில் கோவிட் பெருந்தொற்று காரணமாக ஏற்பட்ட பொருளாதார இடையூறுகளால் பெரும் பாதிப்புக்கு உள்ளானார்கள் இதனை கருத்தில் கொண்டு பிரதமரின் ஏழைகள் நலவாழ்வு உணவுத் திட்டத்தின் கரீப் கல்யாண் அன்ன யோஜனா கீழ் இலவச உணவு தானியங்கள் வழங்கப்பட்டன இந்த திட்டத்தின் கீழ் இதுவரையிலான 7 கட்டங்களில் 1118 லட்சம் மெட்ரிக்டன் உணவு தானியங்கள் ஒதுக்கப்பட்டது. இதற்கான திட்டமிடப்பட்ட மொத்த நிதி ஒதுக்கீடு சுமார் ரூ.3.91 லட்சம் கோடியாகும்

தேசிய உணவுப் பாதுகாப்பு சட்டத்தின் பயனாளிகளுக்கு இந்த உணவு தானியங்கள் இலவசமாக வழங்கப்படுகின்றன 2023-ம் ஆண்டு ஜனவரி 1-ம் தேதி முதல் தொடங்கி பிரதமரின் ஏழைகள் நலவாழ்வுத் திட்டத்தின் கீழ் இது வழங்கப்பட்டு வருகிறது அதற்கு முன்பாக உணவுப் பாதுகாப்பு சட்டத்தின் கீழ் மானிய விலையில் உணவு தானியங்கள் வழங்கப்பட்டன 3 ரூபாய்க்கு ஒரு கிலோ அரிசி 2 ரூபாய்க்கு ஒரு கிலோ கோதுமை ஒரு ரூபாய்க்கு உணவு தானியங்கள் ஆகியவை வழங்கப்பட்டன இது பின்னர் இலவசமாக வழங்கப்பட்டது இந்த இலவசத் திட்டம் 2024 ஜனவரி 1 முதல் 5 ஆண்டுகளுக்கு நீட்டிக்கப்பட்டுள்ளது

அந்தியோதயா அன்ன யோஜனா

உணவு மற்றும் பொது விநியோகத்துறை தேசிய உணவுப் பாதுகாப்பு திட்டத்தின் கீழ் அந்தியோதயா அன்ன யோஜனா முன்னுரிமை வீடுகள் பிரதமரின் ஊட்டச்சத்து திட்டம் கோதுமை அடிப்படையிலான ஊட்டச்சத்து திட்டம் ஆகியவற்றுக்கு உணவு தானியங்கள் ஒதுக்கப்பட்டு வருகிறது

ஊட்டச்சத்து-செறிவூட்டப்பட்ட அரிசி

நாட்டின் 75-வது சுதந்திர தினத்தன்று 2021 ஆகஸ்ட் 15 மக்களுக்கு ஊட்டச்சத்து கிடைக்கும் வகையில் செறிவூட்டப்பட்ட அரிசி வழங்கப்படும் என்று பிரதமர் அறிவித்தார் இந்தத் திட்டம் 2024 மார்ச் மாதவாக்கில் வெற்றிகரமாக நடைமுறைப்படுத்தப்பட்டது இதில் 100 சதவீதம் தானியம் விநியோகத்துகாக எடுத்துக் கொள்ளப்பட்டுள்ளது அரசின் ஒவ்வொரு திட்டத்திலும் வழங்கப்படும் அரிசி செறிவூட்டப்பட்டதாக இருக்க வேண்டும் என அரசு அறிவித்தது பிரதமரின் ஏழைகள் நலவாழ்வு உணவுத் திட்டத்தின் அடிப்படையில் ஏற்கனவே ஒதுக்கப்பட்ட ரூ.11,79,859 கோடி இதற்காக பயன்படுத்தப்பட்டது

டிஜிட்டல் மயமாக்கல்

பொது விநியோகத் திட்டத்தில் சீர்திருத்தங்களை இலக்காகக் கொண்டு தேசிய உணவுப் பாதுகாப்பு சட்டத்தின் கீழ் அனைத்து மாநிலங்கள் யூனியன் பிரதேசங்களின் கீழ் 100 சதவீதம் டிஜிட்டல் மயமாக்கப்பட்ட ரேஷன் அட்டைகள் வழங்கப்படுகின்றன இதன் மூலம் 80 கோடி பயனாளிகளைக் கொண்ட 20.54 கோடி ரேஷன் அட்டைகளுக்கு பொது விநியோகத் திட்டத்தின் மூலம் உணவு தானியங்கள் வழங்கப்படுகின்றன

99.8 சதவீதத்திற்கும் அதிகமான ரேஷன் அட்டைகள் ஆதார் மூலம் இணைக்கப்பட்டுள்ளன மொத்தம் 5.43 லட்சத்தில் 5.41 லட்சம் அதாவது 99.8 சதவீதம் நியாயவிலைக் கடைகள் மின்னணு விற்பனையை தொடங்கியுள்ளன உணவு தானியங்கள் விநியோகத்தின் கீழ் பயோ மெட்ரிகல் மூலம் 97 சதவீத பரிவர்த்தனைகள் மேற்கொள்ளப்பட்டுள்ளன

ஒரே நாடு ஒரே ரேஷன் அட்டை

2019-ம் ஆண்டு ஆகஸ்ட் மாதம் ஒரே நாடு ஒரே ரேஷன் அட்டை திட்டம் 4 மாநிலங்களில் தொடங்கப்பட்டது தற்போது 36 மாநிலங்கள் யூனியன் பிரதேசங்களில் 80 கோடி பயனாளிகளுக்கு அதாவது தேசிய பாதுகாப்பு சட்டத்தின் 100 சதவீதம் பேருக்கு இந்த அட்டைகள் வழங்கப்பட்டுள்ளன

பிரதமரின் ஏழைகள் நலவாழ்வு உணவுத் திட்டத்தின் கீழ் மாநிலங்களுக்கான நிதியை மத்திய அரசின் நிதி அமைச்சகம் வழங்குவதில்லை மாறாக உணவு மானியம் என்ற பெயரில் இந்திய உணவுக் கழகத்திற்கு நிதி விடுவிக்கப்படுகிறது மாநிலங்கள் பரவலாக்கப்பட்ட கொள்முதல் அடிப்படையில் உணவு தானிய விநியோகத்தை பயனாளிகளுக்கு வழங்கி வருகின்றன கடந்த நிதியாண்டில் இந்திய உணவு கழகத்திற்கும் மாநிலங்களில் மத்திய கொள்முதலுக்கும் மானியமாக 2,11,394.39 கோடி ரூபாய் விடுவிக்கப்பட்டது. இந்த நிதியாண்டில் அக்டோபர் மாதம் வரை 1,40,239.10 கோடி விடுவிக்கப்பட்டுள்ளது

மேலும் வெளிசந்தை விற்பனை திட்டம், விவசாயிகளுக்கு ஆதரவளிக்கும் வகையிலான கொள்முதல் நடவடிக்கை கடன் உத்தரவாதத்திட்டம் கரும்பு துறை பெட்ரோல் எத்தனால் கலவைத் திட்டம் சர்க்கரை துறை டிஜிட்டல் மயமாக்கம் போன்றவையும் துறையின் முக்கிய நடவடிக்கைகளில் அடங்கும்