திருமண தடை நீக்கும் திருப்பாச்சூர் வாசீஸ்வரர்

சோழ மன்னன் கரிகாலன் இக்கோவிலை கட்டியதாக நம்பப்படுகிறது. தன் காதலி தேவியின் பெயரால் இந்த இடம் தங்காதலிபுரம் என்று அழைக்கப்படுகிறது. இந்த இடத்தில் மற்ற வரலாற்றுப் பெயர்கள் மாயாபுரி, அபயபுரம், மாணிக்கபுரி மற்றும் சோழபுரம் ஆகும். புராணத்தின் படி பண்டைய காலங்களில் இந்த பகுதி மூங்கில் மரங்களால் அடர்த்தியாக மூடப்பட்டிருந்தது. தினமும் பால் சுமந்து வரும்போது ஆடு மேய்ப்பவன் ஒரு புதரின் மீது தவறி ஒரு குறிப்பிட்ட இடத்தில் விழுவது வாடிக்கையாக்கி போனது. வழக்கமான பால் இழப்பால் கோபம் அடைந்தவர் ஒரு நாள் புதர்களை அகற்ற முடிவு செய்தார் .

கோடரியால் புதர்களை வெட்டியபோது ரத்தம் வழிந்த லிங்கம் ஒன்று அவர் கண்ணில் தென்பட்டது. இதைக்கண்டு பயந்து போன ஆடு மேய்ப்பவர் இது பற்றி அப்பகுதி மக்களிடம் தெரிவித்தார். அவர்கள் மன்னருக்கு தகவல் கொடுத்தனர். அங்கே ஒரு கோவில் கட்ட அரசன் கட்டளையிட்டான். கோடரியை பயன்படுத்தியதால் லிங்கத்தில் ஏற்பட்ட தழும்புகளை இன்றும் காணலாம். மேலும் லிங்கம் சற்று இடது பக்கம் சாய்ந்துள்ளது. லிங்கத்தின் மீது வடுயிருப்பதால் இந்த லிங்கம் மனித கைகளால் தொடப்படாமல் பூஜை செய்யப்படுகிறது. இங்குள்ள இறைவன் மூங்கில் காட்டில் காணப்படுவதாக நம்பப்படுவதால் அவருக்கு ஸ்ரீ பச்சுரநாதர் என்றும் அந்த இடம் திருப்பாச்சூர் என்றும் அழைக்கப்படுகிறது .

ஒருமுறை குரும்பன் என்ற உள்ளூர் தலைவன், சோழ மன்னன் கரிகாலனுக்கு வரிசெலுத்த தவறினான். குரும்பன் காளி தேவியின் தீவிர பக்தன். நிலுவைத் தொகையை மீட்பதற்காக மன்னன் தன் பகுதிக்கு படையெடுத்த போது அரசனையும் அவனது படையையும் தோற்கடிக்க உதவும்படி காளியிடம் தலைவன் வேண்டிக் கொண்டான். மன்னன் சிவ பக்தனாக இருந்ததால் சிவபெருமான உதவிக்காக வேண்டினான். சிவபெருமான் காளியை கட்டுப்படுத்தவும் கட்டவும் நந்தியை அனுப்பினார். நந்தி காளியை தோற்கடித்து அவளை தங்கச்சங்கிலியால் கட்டினார் .

இந்த சம்பவத்தை போற்றும் வகையில் இந்த கோவில் காளிதேவியின் கால்கள் கட்டப்பட்ட நிலையில் உள்ளது. இவர் சொர்ண காளி என்று அழைக்கப்படுகிறாள். பௌர்ணமி தினங்களில் மாலை நேர பூஜைகள் நடைபெறுகிறது. திருமண ஒற்றுமைக்காக பக்தர்கள் தங்காதலி தேவியிடம் பிரார்த்தனை செய்கிறார்கள். மேலும் பக்தர்கள் தங்கள் திருமணத்திட்டங்களில் இருக்கும் தடைகளை நீக்க பிரார்த்தனை செய்கிறார்கள். கோவிலில் அன்னதான கூடம் உள்ளது . தினமும் 50 பேர் உணவு அருந்த ஏற்பாடு செய்யப்பட்டுள்ளது.

இந்த கோவில் தினமும் காலை ஆறு முதல் பகல் 12 மணி வரையும் மாலை 4 மணி முதல் இரவு 8 மணி வரையும் பக்தர்கள் தரிசனம் செய்வதற்காக திறந்து வைக்கப்பட்டிருக்கும். சென்னையில் இருந்து திருவள்ளூர் வழியாக வந்து அரக்கோணம் செல்லும் சாலையில் திருவள்ளூரில் இருந்து மூன்று கிலோமீட்டர் தொலைவில் இந்த ஆலயம் உள்ளது.