எங்கள் குடும்பத்தில் 10 பேருக்கு கொரோனா: கிரிக்கெட் வீரர் அஸ்வின் மனைவி ட்வீட்.!

ஐபிஎல் விளையாட்டில் கலந்து கொண்ட கிரிக்கெட் வீரர் ரவிச்சந்திரன் அஸ்வின் கொரோனா தொற்றால் பாதிக்கப்பட்டு உள்ள தனது குடும்பத்தினருக்கு ஆதரவாக இருப்பதற்காக போட்டியில் இருந்து விலகினார்.

இந்நிலையில், கிரிக்கெட் வீரர் அஸ்வின் மனைவி பிரீத்தி தனது ட்விட்டர் பதிவில் குறிப்பிட்டுள்ளதாவது: உங்கள் அனைவருக்கும் ஹாய் சொல்லிவிடுகிறேன். 4 குழந்தைகள் மற்றும் பெரியவர்கள் 6 பேருக்கு கொரோனா தொற்று உறுதியாகியுள்ளது. எங்களுடைய குழந்தைகளிடம் இருந்து மற்றவர்களுக்கு பரவியுள்ளது.

அனைவரும் வெவ்வேறு மருத்துவமனையில் போராடி வருகிறோம். எனவே அனைவரும் தடுப்பூசி போட்டுக்கொள்ளுங்கள். இவ்வாறு அவர் பதிவிட்டுள்ளார்.