மகளின் புகைப்படத்தை வெளியிட்ட கிரிக்கெட் வீரர் நடராஜன்.!

இந்திய அணியின் பிரபல கிரிக்கெட் வீரர் நடராஜன் தனது சமூக வலைதள பக்கத்தில் தனது மனைவி மற்றும் மகளுடன் இருக்கும் புகைப்படத்தை பதிவிட்டுள்ளார்.

தமிழ்நாடு, சேலம் மாவட்டத்தை பூர்விகமாக கொண்டவர் நடராஜன். இவர் இந்திய கிரிக்கெட் அணியில் சிறந்த வேகப்பந்து வீச்சாளர் ஆவார். இவர் ஆஸ்திரேலியா சுற்றுப்பயணத்தில் விளையாடி அனைவரின் கவனத்தையும் ஈர்த்தார். சேலம் அருகே உள்ள சிறிய கிராமத்தில் பிறந்து இந்திய கிரிக்கெட் அணியில் இடம் பிடித்து அனைவரின் கவனத்தையும் ஈர்த்தார். சாரதாரண கிராமத்தில் பிறந்து இந்திய தேசத்திற்காக தனது பணியை தொடங்கியுள்ளார்.

ஆஸ்திரேலியா சுற்றுப்பயணத்தில் இருக்கும்போது நடராஜன் தம்பதிக்கு அழகான பெண் குழந்தை பிறந்தது. குழந்தை பிறந்த அன்று நடராஜன் ஆஸ்திரேலியாவில் இருந்தார். இதனிடையே சுற்றுப்பயணத்தை முடித்துக்கொண்டு சமீபத்தில் இந்தியா வந்தடைந்தார்.

இந்நிலையில், நடராஜன் தனது மனைவி மற்றும் மகளுடன் உள்ள புகைப்படம் ஒன்றை சமூக வலைதளங்களில் பதிவிட்டார். மகளுக்கு ஹன்விகா என்று பெயர் சூட்டப்பட்டுள்ளது. நடராஜன் தனது பதிவில், “எங்களின் குட்டி தேவதை ஹன்விகா, நீ எங்கள் வாழ்க்கையில் கிடைத்த அழகான பரிசு. எங்கள் வாழ்க்கை மகிழ்ச்சியாக அமைய நீயே காரணம். உன் பெற்றோராக எங்களைத் தேர்வு செய்தமைக்கு நன்றி. எப்போதும் நாங்கள் உன்னை நேசித்துக் கொண்டு இருப்போம்” என குறிப்பிட்டிருந்தார். தற்போது அந்த புகைப்படம் சமூக வலைதளங்களில் மிகவும் வைரலாக பரவி வருகிறது.