யானை இருந்தாலும் ஆயிரம் பொன்.. இறந்தாலும் ஆயிரம் பொன்.. நடிகர் விவேக் மறைவுக்கு ஹர்பஜன் சிங் இரங்கல்.!

தமிழ் சினிமாவில் முன்னணி காமெடி நடிகராக வலம் வந்த நடிகர் விவேக் இன்று மண்ணை விட்டு மறைந்தார். அவரது இழப்பு சினிமாத்துறையை மட்டுமின்றி பலரையும் அதிர்ச்சியில் ஆழ்த்தியுள்ளது. விவேக்கின் மறைவுக்கு பிரதமர் மோடி, தமிழக முதலமைச்சர் எடப்பாடி பழனிசாமி, துணை முதலமைச்சர் ஓ.பன்னீர்செல்வம், பாமக நிறுவனர் டாக்டர் ராமதாஸ் உள்ளிட்ட தலைவர்கள் இரங்கல் தெரிவித்தனர்.

இந்நிலையில், தற்போது கிரிக்கெட் வீரர் ஹர்பஜன் சிங் ட்விட்டரில் தமிழில் இரங்கல் தெரிவித்துள்ளார். அந்த ட்வீட்டில், "உங்களை எப்படி போற்றினாலும் அது குறைவாக தான் இருக்கும். யானை இருந்தாலும் ஆயிரம் பொன், இறந்தாலும் ஆயிரம் பொன் பழமொழி உங்களுக்கும் பொருந்தும்.

நீங்கள் வாழ்ந்த வாழ்கை மற்றவர்களுக்கு ஓர் உதாரணம். பூமி உள்ள வரையில் உன் கலை பேசும்; நீ நட்ட மரங்கள் பேசும். உங்கள் ஆன்மா அமைதியாக இளைப்பாறட்டும்'' இவ்வாறு அவர் குறிப்பிட்டுள்ளார்.