ஐ.பி.எல். போட்டி: ஹாட்ரிக் வெற்றியை தேடி செல்லும் குஜராத்!

தொடக்கத்தில் பெங்களூருவுக்கு எதிராக 206 ரன்கம் இலக்கை நோக்கி மிரட்டிய பஞ்சாப் அணி அடுத்து வந்த ஆட்டத்தில் கொல்கத்தாவிடம் 137 ரன்களுடன் தோல்வியை தழுவியது. அதன் பின்னர் சென்னை அணியுடன் மோதி 54 ரன்கள் வித்தியாசத்தில் வெற்றி பெற்றது.

இந்நிலையில், நடப்பு போட்டியில் தோல்வியே சந்திக்காத ஒரே அணி குஜராத் டைட்டன்ஸ் மட்டும்தான். தனது முதல் இரு லீக்கில் லக்னோ, டெல்லி அணிகளை சுருட்டிய குஜராத் டைட்டன்ஸ் ஹாட்ரிக் வெற்றிக்கு குறிவைத்துள்ளது.

இந்த அணியில் வேகப்பந்து வீச்சாளர்கள் முகமது ஷமி, லோக்கி பெர்குசன் முதல் இரண்டு ஆட்டங்களில் ஹீரோவாக ஜொலித்தனர். பேட்டிங்கில் சுப்மான் கில் மற்றும் கேப்டன் ஹர்திக் பாண்ட்யா, ராகுல் திவேதியா நம்பிக்கை அளித்தனர். இரண்டு அணிகளும் ஏறக்குறைய சரிசமபலத்துடன் மல்லுக்கட்டுவதால் ரசிகர்கள் விறுவிறுப்புக்கு பஞ்சம் இருக்காது என கூறப்படுகிறது.

Source, Image Courtesy: Daily Thanthi