இந்தியாவில் இந்தியா கிரிக்கெட் அணியை வீழ்த்துவது மிகவும் கடினம்! ஜோ ரூட் கருத்து!

இங்கிலாந்து அணி இலங்கை சுற்றுபயணம் மேற்கொண்டு இரண்டு டெஸ்ட் போட்டிகள் கொண்ட தொடரில் விளையாடி முடித்துள்ளது. இந்த தொடரில் இலங்கை அணியை 2-0 என்ற கணக்கில் வென்ற இங்கிலாந்து அணி அடுத்தாக இந்தியாவிற்கு சுற்றுபயணம் மேற்கொள்ள உள்ளது.

இந்தியாவில் சுற்றுபயணம் மேற்கொண்டு நான்கு டெஸ்ட் போட்டிகள் ஐந்து டி-20 போட்டிகள் மற்றும் மூன்று ஒரு நாள் போட்டிகள் கொண்ட தொடரில் இங்கிலாந்து அணி விளையாட உள்ளது.

ஜோ ரூட் பேசுகையில் “ உலகின் சிறந்த அணியான இந்திய அணியை சொந்த மண்ணில் சந்திப்பது சவாலாக தான் இருக்கும். இந்திய அணிக்கு எதிராக நாங்கள் 4 டெஸ்ட் போட்டிகளில் விளையாடி இருக்கிறோம். நாங்கள் எங்களது ஆட்டத்தை சிறப்பாக வெளிப்படுத்தினால் மட்டுமே வெற்றி பெற முடியும். இலங்கைக்கு எதிராக நாங்கள் விளையாடியது எங்களுக்கு புதிய நம்பிக்கையை தந்தாலும் இந்திய அணியுடன் விளையாடுவது என்பது சவாலாக தான் இருக்கும்” என்று கூறியிருக்கிறார்.