தஞ்சை மாணவிக்கு நீதி கேட்டு, இந்து இளைஞர் முன்னணி சார்பில் தமிழகம் தழுவிய போராட்டம்!
By : Dhivakar
இன்று தமிழகம் முழுவதும் தஞ்சை மாணவி இறப்புக்கு நீதி கேட்டு, நேற்று இந்து இளைஞர் முன்னணி அமைப்பு போராட்டம் நடத்தியது.
தஞ்சையில் கிறிஸ்தவப் பள்ளியில் கட்டாய மதமாற்ற காரணத்தால் இந்து மாணவி தற்கொலை செய்து கொண்ட சம்பவம் இந்தியாவையே உலுக்கி வருகிறது. உயிரிழந்த மாணவிக்கு நீதி கேட்டு பல்வேறு குரல்கள் இந்தியா முழுவதிலிருந்தும் எழுந்து வருகிறது.
தமிழகத்தில், தமிழக பா.ஜ.க கடந்த 25ஆம் தேதி சென்னை வள்ளுவர் கோட்டத்தில் மாபெரும் உண்ணாவிரதப் போராட்டத்தை நடத்தியது. "மாணவி இறப்பு விவகாரத்தை சி.பி.ஐ விசாரிக்க வேண்டும்" என்று பா.ஜ.க தன் குரலை ஓங்கி ஒலித்தது.
அதைத் தொடர்ந்து இந்து அன்னையர் முன்னணி அமைப்பு, பல்வேறு இடங்களில் பெண்கள், சிறுமிகளுடன் சேர்ந்து தஞ்சை மாணவிக்கு நீதி வேண்டி, விளக்கேற்றி போராட்டம் நடத்தினர்.
இந்நிலையில் நேற்று, இந்து இளைஞர் முன்னணி சார்பில், சென்னை, செங்கல்பட்டு, திருச்சி,
மதுரை, கோவை, வேலூர், கிருஷ்ணகிரி, சேலம், நாமக்கல் கன்னியாகுமரி போன்ற இடங்களில் போராட்டம் நடத்தப்பட்டது.
