தமிழகத்தில் இன்று இரண்டாம் கட்ட மெகா தடுப்பூசி முகாம் !

தமிழகத்தில் இன்று இரண்டாம் கட்ட மெகா தடுப்பூசி முகாம் தொடங்கியுள்ளது. இதற்காக 20 ஆயிரம் முகாம்கள் அமைக்கப்பட்டுள்ளது. இந்த முகாமில் 15 லட்சம் பேருக்கு தடுப்பூசி போடுவதற்கு இலக்கு நிர்ணயம் செய்யப்பட்டள்ளது.

இந்தியாவில் உள்ள 18 வயதுக்கு மேற்பட்ட அனைவருக்கும் இலவசமாக கொரோனா தடுப்பூசி போடப்படும் என்று பிரதமர் மோடி அறிவித்திருந்தார். அதன்படி அனைத்து மாநிலங்களுக்கும் போதுமான தடுப்பூசிகளை மத்திய அரசு வழங்கி வருகிறது. அதன்படி தமிழகத்திற்கும் தேவையான தடுப்பூசிகளை வழங்கி கொரோனா தொற்று பரவலை கட்டுப்படுத்தும் முயற்சியில் மத்திய அரசு ஈடுபட்டுள்ளது.

இந்நிலையில், தமிழகத்தில் கடந்த 12ம் தேதி மெகா தடுப்பூசி முகாம்கள் நடத்தப்பட்ட நிலையில் இன்று மீண்டும் தடுப்பூசி முகாம் நடைபெறுகிறது.

தமிழகத்தில் 20 ஆயிரம் தடுப்பூசி முகாம்கள் அமைக்கப்பட்டுள்ளது. அதில் 15 லட்சம் பேருக்கு தடுப்பூசி போடுவதற்கு இலக்கு நிர்ணயக்கப்பட்டுள்ளது. தடுப்பூசி போட்டுக்கொள்ளாதவர்கள் முகாம்களில் சென்று தடுப்பூசி போட்டுக்கொள்ள அறிவுறுத்தப்பட்டுள்ளது.

Source: TopTamilNews

Image Courtesy:NDTV