வடசென்னையில் 5 மண்டலங்களில் கொரோனா தொற்று அதிகரிப்பு.!

சென்னையில் கொரோனா வைரஸ் தொற்று நாளுக்கு நாள் அதிகரித்து வருகிறது. தினமும் 7500க்கும் மேற்பட்டோர்களுக்கு தொற்று பாதிப்பு உறுதி செய்யப்பட்டு வருகிறது. இதனால் அரசு மற்றும் தனியார் மருத்துவமனைகளிலும் கூட்டம் அலை மோதுகிறது.

நோய் தொற்று குறைவாக இருந்த பகுதிகளிலும் அதன் தாக்கம் அதிகரிக்க தொடங்கியுள்ளது. நேற்று மட்டும் 6 ஆயிரத்து 73 பேருக்கு நோய் தொற்று ஏற்பட்டுள்ளது. இதுவரை 47 ஆயிரத்து 667 பேர் சிகிச்சையில் உள்ளனர். இதுவரை 4 லட்சத்து 62 ஆயிரத்து 448 பேர் கொரோனா தொற்றால் பாதிக்கப்பட்டுள்ளனர்.

இதனிடையே கடந்த 9ம் தேதியில் இருந்து வடசென்னையில் கொரோனா தொற்று அதிகரித்து வருகிறது. திருவொற்றியூர், மணலி, மாதவரம், தண்டையார்பேட்டை, ராயபுரம் ஆகிய 5 மண்டலங்களிலும் 22.8 சதவீதம் அளவுக்கு நோயின் தாக்கம் அதிகரித்து உள்ளது.

இந்த 5 மண்டலங்களில் தடை செய்யப்பட்ட பகுதிகளும் அதிகரித்துள்ளது. ஒரு தெருவில் 10க்கும் மேற்பட்டவர்களுக்கு நோய் ஏற்பட்டால், அந்த தெருவை மாநகராட்சி தடை செய்யப்பட்ட பகுதியாக அறிவித்து வருகின்றது குறிப்பிடத்தக்கது.