எதிர்த்து ஒரு கேள்வி கூட கேட்கக்கூடாதா? தி.மு.க-விலிருந்து விலகி பா.ஜ.க-வில் இணைந்த 50 வயது முதியவர் கல்லால் அடித்தே கொலை!

ஈரோடு மாவட்டத்தில் அரசியல் போட்டி காரணமாக திமுகவில் இருந்து விலகி பாஜகவில் இணைந்த 50 வயது முதியவர் படுகொலை செய்யப்பட்டார்.

தி.மு.க.,வில் வார்டு செயலாளராக பதவி வகித்த மொடக்குறிச்சி தாலுகா நாகராஜபுரத்தை சேர்ந்த வடிவேல், ஒரு வாரத்திற்கு முன், மொடக்குறிச்சி பா.ஜ., எம்.எல்.ஏ., சரஸ்வதி முன்னிலையில், பா.ஜ.,வில் இணைந்ததாக போலீசார் தெரிவித்தனர்.

நாகராஜபுரம் சாலையை சீரமைக்க கோரி எம்எல்ஏவிடம் மனு அளிக்கவும் மக்களை ஏற்பாடு செய்தார். இதற்கிடையில், பாஜகவில் இணைந்த வடிவேல் மீது மனமுடைந்த திமுக முன்னாள் வார்டு கவுன்சிலரான தம்பி என்கிற ஈஸ்வரமூர்த்தி, கோயில் வளாகத்தில் அயர்ந்து தூங்கிக் கொண்டிருந்த அவரை கல்லால் தாக்கினார். அதில் படுகாயமடைந்த வடிவேல் பரிதாபாக உயிரிழந்தார்.

வெள்ளிக்கிழமை காலை கிராம மக்கள் அவரை சடலமாக கண்டெடுத்தனர். விசாரணைக்கு பின், ஈஸ்வரமூர்த்தியை கைது செய்த போலீசார், மேலும் விசாரணை நடத்தி வருகின்றனர். இந்த கொலையை கண்டித்து தளவுமலை பகுதியில் ஏராளமான பாஜகவினர் சாலை மறியலில் ஈடுபட்டனர். ஆனால் போலீசார் நடத்திய பேச்சுவார்த்தைக்கு பின் அவர்கள் போராட்டத்தை கைவிட்டனர்.