இறுதி வாக்காளர் பட்டியல் வெளியீடு! யாரு மெஜாரிட்டி தெரியுமா?

தமிழக சட்டப்பேரவை தேர்தலையொட்டி தேர்தல் ஆணையம் இன்று இறுதி வாக்காளர் பட்டியலை வெளியிட்டது. தமிழக சட்டப்பேரவை தேர்தலையொட்டி தேர்தல் ஆணையம் தனது பணியை துரிதப்படுத்தியுள்ளது. இன்று வெளியிடப்பட்டுள்ள வாக்காளர்களின் எண்ணிக்கை 6 கோடியே 26 லட்சத்து 74 ஆயிரத்து 446 பேர்.

கடந்த தேர்தலை விட இந்த தேர்தலில் வாக்காளர்கள் உயர்ந்துள்ளனர். இதில் 8 லட்சத்து 97 ஆயிரத்து 694 பேர் புதிய வாக்காளர்கள். மாவட்டம் தோறும் ஆட்சியர்கள் இன்று இறுதி வாக்காளர் பட்டியலை வெளியிட்டனர். இதில் பெண்கள் 3 கோடியே 18 லட்சத்து 28 ஆயிரத்து 727 பேர். மூன்றாம் பாலின வாக்காளர்கள் 7 ஆயிரத்து 246 பேர் உள்ளனர். இந்த பட்டியலை அங்கீகரிக்கப்பட்ட கட்சிகள் வாங்கிச்சென்று பொதுமக்களுக்கு அளித்து வருகிறது.

யாரேனும் பெயர் விடுப்பட்டிருந்தால் அவர்களுக்கு மீண்டும் வாய்ப்பு வழங்கப்படும் என கூறப்படுகிறது. அதற்கான பணிகள் விரைவில் தொடங்கப்படலாம் என அதிகாரிகள் தெரிவித்துள்ளனர்.