தமிழகத்தில் இன்று மழைக்கு வாய்ப்பு ! வானிலை மையம் தகவல் !

சென்னை வானிலை ஆய்வு மையம் வெளியிட்டுள்ள செய்திக்குறிப்பில் கூறியிருப்பதாவது: வளிமண்டல மேலடுக்கு சுழற்சி மற்றும் வெப்ப சலனத்தால் தமிழகத்தில் நீலகிரி, கோவை, தேனி மாவட்டங்களில் ஒரு சில இடங்களில் கனமழையும், சேலம், நாமக்கல், வேலூர், திருப்பத்தூர், கள்ளக்குறிச்சி, விழுப்புரம், மயிலாடுதுறை, நாகை, தருமபுரி, கிருஷ்ணகிரி உள்ளிட்ட மாவட்டங்களில் இடியுடன் கூடிய கனமழை பெய்யும்.

மற்ற மாவட்டங்கள் மற்றும் புதுச்சேரி, காரைக்கால் பகுதிகளில் அனேக இடங்களில் இடி, மின்னலுடன் கூடிய லேசானது முதல் மிதமான மழையும் இன்று பெய்யக்கூடும்.

மேலும், சென்னையை பொறுத்தவரையில் அடுத்த 48 மணி நேரத்துக்கு வானம் மேகமூட்டத்துடன் காணப்படும். அதே சமயம் நகரில் ஒரு சில இடங்களில் இடி, மின்னலுடன் லேசானது முதல் மிதமான மழை பெய்யவும் வாய்ப்பு உள்ளது.

Source: Dailythanthi.

Image Courtesy:ஜீ நியூஸ்

https://www.dailythanthi.com/News/TopNews/2021/08/12092106/Moderate-rain-likely-in-Tamil-Nadu-today--Meteorological.vpf