4 மொழிகளில் 'ஜப்பான்' - வெளியான கார்த்தி படத்தின் சுவாரஸ்ய போஸ்டர்

கார்த்தி நடிப்பில் இயக்குனர் ராஜமுருகனின் இயக்கும் 'ஜப்பான்' படத்தின் முதல் பார்வை வெளியிடப்பட்டுள்ளது.

தொடர்ச்சியாக அடுத்த அடுத்த வெற்றி படங்களை கொடுத்த கார்த்தி தற்பொழுது 25வது படமாக 'ஜப்பான்' படத்தில் நடிக்கவிருக்கிறார். இயக்குனர் ராஜு முருகன் இயக்கும் இப்படத்தில் அனு இமானுவேல் கதாநாயகியாக நடிக்கிறார்.

முக்கிய கதாபாத்திரத்தில் தெலுங்கு நடிகர் சுனில் நடிக்கிறார், இப்படத்தின் பூஜை சமீபத்தில் நடந்தது. விரைவில் படத்தின் படப்பிடிப்பு துவங்க உள்ளது இந்நிலையில் இப்படத்தின் முதல் பார்வையை படக்குழுவினர் வெளியிட்டுள்ளனர். இந்த போஸ்டரில் கார்த்தி வித்தியாசமான முறையில் அமர்ந்திருக்கும் புகைப்படம் வெளியாகியுள்ளது. தமிழ், தெலுங்கு உள்ளிட்ட நான்கு மொழிகளில் வந்த படம் வெளியாக இருப்பதாக படத்தின் முதல் பார்வையை வெளியிடும்போது குறிப்பிட்டுள்ளனர் படக் குழுவினர்.