வசூலில் தெறிக்கவிடும் 'காந்தாரா' - மீண்டும் இந்திய சினிமாவை திரும்பி பார்க்கவைத்த கன்னட சினிமா!

வசூலில் சக்க போடு போட்டு கொண்டிருக்கும் 'காந்தாரா' திரைப்படம் தற்போது 16 வது நாளில் அதிகமாக வசூல் சாதனை நிகழ்த்தியுள்ளது.

கன்னட திரை உலகில் அவ்வப்போது அரிதாக சில வெற்றி படங்கள் வரும் அந்த வெற்றி படங்கள் இந்தியா முழுவதும் கவனத்தைக் ஈர்க்கும். அந்த வகையில் ரிஷாப் ஷெட்டி இயக்கத்தின் அவரது நடிப்பில் கடந்த மாதம் செப்டம்பர் 30ம் தேதி வெளிவந்த கன்னட படம் 'காந்தாரா' கன்னட சினிமா உலகை மீண்டும் திரும்பி பார்க்க வைத்துள்ளது.

கர்நாடக கடற்கரை பகுதியைச் சேர்ந்த மலை கிராமத்தில் வசிக்கும் கிராமத்து மக்களின் கலாச்சாரம், திருவிழா அவர்கள் பிரச்சனை என அந்த மக்களின் கதைதான் படம் என்பதால் படத்தை மற்ற மொழிகளில் டப்பிங் செய்து வெளியிட தயங்கி உள்ளனர் படக்குழுவினர். ஆனால் படம் வெளிவந்து ரசிகர்கள் மத்தியில் வரவேற்பை பெற்றவுடன் தற்போது தாமதமாக டப் செய்து பிற மொழிகளிலும் வெளியிட்டுள்ளனர். வெளியிட்ட அனைத்து மொழிகளிலும் 'காந்தாரா' திரைப்படம் மிகப்பெரும் வெற்றி அடைந்துள்ளது. கன்னடத்தில் படம் வெளிவந்து நேற்றுடன் 16வது நாளான நிலையில் அந்த படத்தின் அதிகாரப்பூர்வ வசூல் 100 கோடி அளவிற்கு தாண்டியிருக்கும் என படத்தின் தயாரிப்பு நிறுவனங்கள் தகவல் தெரிவிக்கின்றன. இப்படத்தின் மலையாள பதிப்பு வரும் அக்டோபர் 20ஆம் தேதி வெளியாகும் எனவும் அறிவிக்கப்பட்டுள்ளது.