உலகின் மிகப்பெரிய ஐ மேக்ஸ் திரையில் ஜொலிக்க போகும் ஆர்.ஆர்.ஆர் - இந்திய சினிமாவிற்கு பெருமை படைப்பு

அமெரிக்கா லாஸ் ஏஞ்சல்ஸில் திரையிடபட உள்ளது இந்திய சினிமாவை கலக்கிய இயக்குனர் ராஜமௌலியின் ஆர்.ஆர்.ஆர் திரைப்படம்.

ராம்சரண், ஜூனியர் என்டிஆர் நடிப்பில் ராஜமவுலி இயக்கி கடந்தாண்டு வெளிவந்த படம் ஆர்.ஆர்.ஆர். இப்படம் பாகுபலி, பாகுபலி 2 படங்களைப் போல 1000 கோடிக்கு மேல் வசூல் சாதனை செய்தது. அதோடு 2023 ஆஸ்கர் விருது போட்டிக்கு நேரடியாக கலந்து கொண்டுள்ளது மற்றும் ஜனவரி கோல்டன் குளோப் விருது வழங்கும் பிரிவிலும் இப்படம் இரண்டு விருதுகளுக்கு பரிந்துரை செய்யப்பட்டுள்ளது.

இவ்விருதில் படக்குழுவினர்கள் பங்கேற்க உள்ளனர். இந்நிலையில் அமெரிக்காவின் லாஸ் ஏஞ்சல்ஸில் உள்ள உலகின் மிகப்பெரிய ஐ மேக்ஸ் ஸ்கிரீனில் ஆர்.ஆர்.ஆர் படம் ஜனவரி ஒன்பதாம் தேதி ஸ்பெஷலாக திரையிடப்படுகிறது. ராஜமவுலி, ராம்சரண், ஜூனியர் என்.டி.ஆர், எம். எம். கீரவாணி ஆகியோர் இந்நிகழ்ச்சிகள் கலந்து கொள்கிறார்கள்.