சூப்பர் கமல் - விக்ரம் படத்தை வெகுவாக புகழ்ந்த சூப்பர் ஸ்டார்

லோகேஷ் கனகராஜ் இயக்கத்தில் கமல் நடிப்பில் வெளிவந்த விக்ரம் படத்தை சூப்பர் ஸ்டார் ரஜினிகாந்த் வெகுவாக பாராட்டியுள்ளார்.

இயக்குனர் லோகேஷ் கனகராஜ் இயக்கத்தில் கமல் நடித்து வெளிவந்துள்ள 'விக்ரம்', படம் ரசிகர்கள் மத்தியில் பெரும் அளவிற்கு வரவேற்பை பெற்றுள்ளது. தமிழகம் மட்டுமின்றி ஆந்திரா, கேரளாவில் விக்ரம் படத்திற்கு அமோக வரவேற்பு கிடைத்து வருகிறது. அந்த வகையில் படம் வெளியாகி இரண்டு நாட்களில் 100 கோடிக்கு மேல் வசூலித்துள்ளதாக தகவல்கள் தெரிவிக்கின்றன.

இந்நிலையில் நடிகர் ரஜினிகாந்த் விக்ரம் படத்தை பார்த்து ரசித்துள்ளார். கமல் அவர்களை தொடர்புகொண்டு 'விக்ரம்' படம் ரொம்ப நல்லா இருக்கு கலக்கிட்டீங்க கமல் என சொல்லி அவரை பாராட்டி உள்ளார், அதுமட்டுமில்லாமல் இயக்குனர் லோகேஷ் கனகராஜ், இசையமைப்பாளர் அனிருத் அனைவரையும் பாராட்டி இருக்கிறார் ரஜினிகாந்த்.