வருகிறது 'வாரிசு' ட்ரைலர் - எப்போது தெரியுமா?

வாரிசு திரைப்படத்தின் ட்ரெய்லர் குறித்த தகவல் வெளியாகியுள்ளது.

வாரிசு திரைப்படத்தின் ட்ரெய்லர் எப்போது வெளியிடப்படும் என ரசிகர்கள் ஆவலோடு எதிர்பார்த்து வருகின்றனர். இயக்குனர் வம்சி பைடிப்பள்ளி இயக்கத்தில் விஜய், ரஷ்மிகா மந்தனா உள்ளிட்டோர் நடிப்பில் வரும் பொங்கலுக்கு வெளியாக இருக்கும் திரைப்படம் 'வாரிசு'.

தமன் இசையமைத்துள்ள இந்த படத்தின் பாடல்கள் வெளியாகி ஹிட்டான நிலையில் சில தினங்களுக்கு முன் படத்தின் இசையமைப்பு இசை வெளியீட்டு விழா பிரம்மாண்டமாக நடைபெற்றது. இந்த நிலையில் தற்போது படத்தின் டிரைலர் எப்பொழுது என எதிர்பார்ப்பு நிலவிவரும் சூழலில் வரும் புத்தாண்டு அன்று மாலை 'வாரிசு' திரைப்படத்தின் டிரைலர் வெளியிட இருப்பதாக தகவல் வெளியாகி உள்ளன. இதுகுறித்து அறிவிப்பு இன்னும் ஓரிரு தினங்களில் வெளியாகும் என படக்குழு சார்பில் தெரிவிக்கப்பட்டுள்ளது.