பூஜை போடும் முன்னரே கோடிகளை குவிக்கும் 'விஜய் 67'

பூஜை போடும் முன்னரே விஜய் 67 படம் கோடிகளில் வியாபாரம் செய்ய துவங்கியுள்ளது.

இயக்குனர் லோகேஷ் கனகராஜ் இயக்கத்தில் விஜய் நடிக்கவிருக்கும் 'தளபதி 67' படத்தின் உரிமையை பிரபல ஓ.டி.டி நிறுவனம் கைப்பற்றியுள்ளது. இயக்குனர் வம்சி பைடிப்பள்ளி இயக்கத்தில் தற்போது 'வாரிசு' படத்தில் விஜய் நடித்து வருகிறார். இது முடிந்தவுடன் அடுத்த படியாக லோகேஷ் கனகராஜ் இயக்கத்தில் தன்னுடைய 67வது படத்தில் நடிக்க இருக்கிறார் விஜய்.

இந்நிலையில் மிகவும் எதிர்பார்ப்பை ஏற்படுத்தி உள்ள இந்த திரைப்படத்தின் உரிமையை நெட்பிக்ஸ் ஓ.டி.டி நிறுவனம் 160 கோடி ரூபாய்க்கு வாங்கி உள்ளதாக தகவல் வெளியாகி உள்ளது. படம் பூஜை போடுவதற்கு முன்பே 160 கோடி ரூபாய் விஜய் 67 வசூலித்துள்ளது ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது.