இந்திய விசா விதிமுறைகளை மீறி மதப்பிரச்சாரம் - சிக்கிய நியூசிலாந்து மிஷனரி அமைப்பை சேர்ந்த இந்திய வம்சாவளி நபர்.!
இந்திய விசா விதிமுறைகளை மீறி மதப்பிரச்சாரம் - சிக்கிய நியூசிலாந்து மிஷனரி அமைப்பை சேர்ந்த இந்திய வம்சாவளி நபர்.!
நியூசிலாந்து நாட்டை மையாமாக கொண்ட ஒரு மிஷனரி அமைப்பு சிக்கியிருப்பது இதுதான் முதல் முறை! இந்திய விசா விதிமுறைகளை மீறி சிக்கிக்கொள்ளும் மிஷனரி அமைப்புகள் பெரும்பாலும் அமெரிக்காவை சேர்ந்தவையாகவே இருக்கும்.
ஆனால் தீபாவளி சமயத்தில் தற்போது ‘கிளாட் டைடிங்க்ஸ் மினிஸ்டிரீஸ்’ என்ற மிஷனரி அமைப்பு சிக்கியுள்ளது.
This xmissionary evangelist Dennis Nand from New Zealand has been caught violating Indian visa laws. His org is GLAD TIDINGS MINISTRY. He does not have his own webpage like other xmissionary orgs. pic.twitter.com/G6dX8zzSCy
— Mission Kaali - Say No To Conversion (@missionkaali) November 17, 2020
இந்த அமைப்பு ஆக்லாந்து பகுதியை மையாக கொண்டு செயல்பட்டு வருகிறது. இந்த அமைப்புக்கு தனியாக வெப்சைட் கூட கிடையாது. ஃபேஸ்புக் பக்கம் மட்டுமே உள்ளது. இதுவரை செய்தது போலவே இந்த மிஷனரி அமைப்பின் மீதும் ‘மிஷன் காளி’ அமைப்பு புகார் அனுப்பியுள்ளது.
இந்த அமைப்பின் மூலம் மதப்பிரச்சாரத்தில் ஈடுப்பட்ட இந்திய வம்சாவளி நபரின் பெயர் ‘டெனிஸ் நந்த்! இவர் இந்தோ-ஃபீஜியன் ஆக இருக்க வாய்ப்பு உள்ளது. கடந்த 30 ஆண்டுகளாக இந்தோ-ஃபீஜியன் பகுதியில் இருந்த இந்து மக்கள் பெருமளவு மிஷனரி மதத்திற்கு மாறியுள்ளனர். டென்னிஸ் நந்தும் ஒரு ஃபேஸ்புக் பக்கத்தை வைத்துள்ளார். கடைசியாக அவர் 2019ம் ஆண்டு மஹாராஷ்டிராவில் உள்ள அகமதுநகருக்கு வந்துள்ளார்.
இதோ டென்னிஸ் நந்தின் இந்திய வருகைக்கான விளம்பரத்தின் படமும், அவருடன் கூடவே விசா விதிமுறையை மீறிய பாதிரியாரின் புகைப்படமும் உள்ளது.
இந்த மிஷனரிகள் எந்த விசா வைத்திருந்தாலும், இந்தியாவில் மதமாற்றத்தில் ஈடுபடுவது சட்டவிரோதமாகும். உதாரணத்திற்கு இவர்களிடம் மிஷனரி விசா இருந்தால், அதை வைத்து மதமாற்ற முடியாது. மாறாக இந்திய அரசாங்கத்தால் அங்கீகரிக்கப்பட்ட ஒரு அமைப்பில் சேர்ந்து பணிபுரிய மட்டுமே முடியும். ஒரு அமைப்பு இந்திய அரசாங்கத்தால் அங்கீகரிக்கப்பட வேண்டுமென்றால், அது வெளிநாட்டு பங்களிப்பு விதிமுறைகளை ஒழுக்கமாக பின்பற்றியிருக்க வேண்டும். ஒருவேளை அவர்களிடம் டூரிஸ்ட் விசா மட்டுமே இருந்தால் அதை வியாபாரம் அல்லாத விஷயங்களை செய்ய மட்டுமே பயன்படுத்த முடியும்.