போலி செய்தியை பரப்பி அவதூறு செய்து கையும் களவுமாக பிடிபட்ட Alt News இணையதளம்!
தாங்களே மாட்டிக்கொண்டு பல முறை மூக்குடைபடுவதும் அவர்களுக்கு சகஜமான ஒன்று.
உண்மையை சரி பார்க்கும் வலைத்தளம் என்ற போர்வையில், இடது சாரிகளும் இஸ்லாமியவாதிகளும் நிரம்பிய AltNews வலைத்தளம் தங்கள் கருத்தியலுக்குள் ஒத்துவராத ஊடகங்களை போலி செய்திகள் என்று முத்திரை குத்துவது வழக்கமான ஒன்றாகும். தாங்கள் விரித்த வலையில் தாங்களே மாட்டிக்கொண்டு பல முறை மூக்குடைபடுவதும் அவர்களுக்கு சகஜமான ஒன்று. இம்முறை இந்த இரண்டு விஷயங்களும் ஒரே சம்பவத்தில் நடந்துள்ளன.
அயோத்தியில், ஆகஸ்ட் 5-ம் (நேற்று) நடைபெற்ற ராமர் கோவில் பூமி பூஜை விழாவிற்கு ஒரு வாரத்திற்கு முன்னதாக, அமெரிக்காவின் நியூயார்க்கில் உள்ள பிரபல டைம் ஸ்கொயர் கட்டிடத்தில் அமெரிக்க இந்துக்கள் ஒன்றிணைந்து ராமர் படத்தையும் ராமர் கோவிலில் மாதிரி படத்தையும் பில்போர்டில் ஒளிபரப்புவார்கள் என்று பரவலாக அறியப்பட்டது.
இதனால் உற்சாகம் அடைந்த பலரும், பல ஊடகங்களும் டைம்ஸ் ஸ்கொயர் கட்டிடத்தில் ராமர் படம் இருந்தால் எப்படி இருக்கும் என்று கற்பனை செய்து பல புகைப்படங்களையும் போட்டோஷாப் அல்லது சூப்பர் இம்போஸ் செய்து வெளியிட்டனர். பல முன்னணி பிரதான ஊடகங்களும் இதில் அடக்கம்.
அதைப் படிப்பவர்கள் அனைவருக்கும் அது ஒரு சித்தரிப்பு புகைப்படம் மட்டுமே என்பதும் அது போட்டோஷாப் அல்லது சூப்பர் இம்போஸ் செய்யப்பட்ட ஒரு புகைப்படம் என்பதும் தெளிவாக தெரிந்தது. இந்த புகைப்படத்தை எடுத்து பகிர்ந்து கொண்ட ஒருவர் உண்மையாகவே டைம்ஸ் ஸ்கொயரில் இந்த புகைப்படங்கள் ஒளிபரப்பப்பட்டதாக செய்திகளை பகிர்ந்தார். இதை போலி செய்தி என்று நிரூபிப்பதற்காக 'AltNews' களமிறங்கி 'விசாரணை' நடத்தியது.