தேசத்தின் பெருமையாக அமைந்த ராமர் கோவில் - ஆர். எஸ்.எஸ் தலைவர் மோகன் பகவத்!

இந்துக்களின் புண்ணிய பூமி என அயோதியில் ராமர் கோவில் பிரதிஷ்டை செய்யப்படுவதை ஒட்டி ஆர்.எஸ்.எஸ் தலைவர் மோகன் பகவத் கட்டுரை ஒன்று எழுதி உள்ளார். அதில் கூறப்பட்டுள்ளதாவது:-

சுமார் 1500 ஆண்டுகளாக அன்னியரை எதிர்த்து போராடிய வரலாறு நம் பாரதத்தின் வரலாறு .ஆரம்ப காலத்தில் நடந்த படையெடுப்புகள் செல்வத்தை கொள்ளை அடிக்க நடந்தன. சில ஆக்கிரமிப்பை மையமாக வைத்து நடந்தன. ஒரு நாட்டின் சமுதாயத்தின் தன்னம்பிக்கையை குறைக்க அவர்களின் வழிபாட்டு தளத்தை அழிப்பது அக்காலத்தில் அவசியமாக இருந்தது. எனவே அந்நிய படையெடுப்பாளர்கள் பாரதத்தில் பல்வேறு கோவில்களை அழித்தார்கள். அவர்கள் குறிக்கோள் பாரதிய சமுதாயத்தின் சுய நம்பிக்கையை சிதைத்து பலவீனமாக்கி பின்னர் நிரந்தரமாக இங்கு ஆட்சி செய்வதாக இருந்தது.

அயோத்தியிலிருந்த ராமர் கோவிலும் அதே எண்ணத்துடன்  இடிக்கப்பட்டது. ராமச்சந்திர பூமி விஷயத்தில் சுதந்திரத்திற்கு முன்பிருந்தே தொடங்கிய சட்டப் போராட்டம் தொடர்ந்து 2019 ஆம் ஆண்டு நவம்பர் ஒன்பதாம் தேதி அன்று 134 ஆண்டுகால சட்ட போராட்டத்திற்கு பிறகு சுப்ரீம் கோர்ட் பல்வேறு சான்றுகளை ஆய்வு செய்து அனைவரும் ஏற்றுக்கொள்ளக்கூடிய தீர்ப்பை வழங்கியது .இருதரப்பு நம்பிக்கைகள் மற்றும் எண்ணங்களுக்கும் இந்த தீர்ப்பு மதிப்பளித்தது. அனைத்து தரப்பு வாதங்களையும் கேட்ட பிறகுதான் இந்த தீர்ப்பு வழங்கப்பட்டது. ஆன்மீக ரீதியாக பார்த்தால் பெருவாரியான மக்களால் வழிபடப்படும் கடவுளாக இருக்கிறார் ராமர். ராமரின் வாழ்க்கை ஒரு நெறியான வாழ்க்கை என்று ஒட்டுமொத்த சமுதாயமும் போற்றுகிறது.

அயோத்தியா என்றால் போரில்லாத நகரம். சச்சரவுகள் இல்லாத நகரம் என்று பொருள். இந்த நேரத்தில் ஒட்டுமொத்த நாடும் அயோத்தியை எப்படி மீண்டும் நிர்மானம் செய்வது என்பது பற்றி மட்டுமே சிந்திக்க வேண்டும். இது நமது கடமையும் கூட .ராமர் கோவில் அமைந்துள்ள இந்த தருணம் நமது தேசத்தின் பெருமையை மீண்டும் வேலை செய்துள்ளது. பாரத சமுதாயம் ராமனின் வாழ்க்கை அவர்களை ஏற்றுக் கொண்டதன் அடையாளமாகவும் இது விளங்குகிறது. ராமரை கோவிலில் வணங்க சொல்லப்பட்டுள்ள முறைகள் பத்ரம் ,புஷ்பம், பழம், தோயம். அது மட்டும் இல்லாது ராமரின் உருவத்தை நமது மனதில் பதித்து அந்த நெறிப்படி நமது வாழ்க்கை அமைத்து ராமரை பூஜிக்க வேண்டும். 'சிவோ பூத்வா சிவம் பஜேத்', 'ராம பூத்வா ராமம் பஜத்' என்பார்கள்.