முன்பதிவு முடிந்தும் வெளியாகாத 'மன்மதலீலை' - காரணம் என்ன?

இன்று வெளியாகவிருந்த மன்மதலீலை படம் சில காரணங்களால் வெளியாகாமல் தள்ளிப்போனது.

இயக்குனர் வெங்கட் பிரபு இயக்கத்தில் அசோக்செல்வன் நடித்த படம் 'மன்மதலீலை', ஏப்ரல் 1-ஆம் தேதியாகிய இன்று வெளியாக வேண்டிய 'மன்மதலீலை' படம் வெளியாகாமல் தள்ளிப்போனது. 7:45, 8 மணி ஆகிய காட்சிகளுக்கான முன்பதிவு நடைபெற்று முடிந்தது. இந்நிலையில் 8:00 காட்சியை பார்க்க வந்த ரசிகர்களுக்கு பட வெளியீடு ரத்து செய்யப்பட்டுள்ளது என அறிவிப்பு மட்டும் தரப்பட்டுள்ளது. இதனால் ரசிகர்கள் அதிர்ச்சி அடைந்தனர்.

மேலும் இதுகுறித்து விசாரித்த பொழுது 'மன்மதலீலை' படத்தை பொருத்தவரை தயாரிப்பாளர் வெங்கட் பிரபுவுக்கும், படத்தை வாங்கியவருக்கும் 4 கோடி ரூபாய் மதிப்பிலான தொகையை செட்டில் செய்யும் பணவிஷயத்தில் சமரசம் ஏற்படாத காரணத்தினால் படத்தின் வெளியீடு தள்ளிப் போனதாக தகவல்கள் தெரிவிக்கின்றன. எனவே இந்த பேச்சுவார்த்தை நல்லபடியாக முடிந்தால் மட்டுமே படம் வெளியாகும் எனவும் தெரிகிறது.