'ஜகமே தந்திரம்' படத்தின் முக்கிய அறிவிப்பு வெளியிட்ட இசையமைப்பாளர் சந்தோஷ் நாராயணன்!

தனுஷ் நடிக்கும் 'ஜகமே தந்திரம்' படத்தின் முக்கிய தகவலை படக்குழு வெளியிட்டுள்ளது.

கார்த்தி சுப்புராஜ் இயக்கத்தில் உருவாகி உள்ள திரைப்படம் 'ஜகமே தந்திரம்'. தனுஷ் ஹீரோவாக நடித்துள்ள இப்படத்தில், அவருக்கு ஜோடியாக ஐஸ்வர்யா லட்சுமி மற்றும் சஞ்சனா நடராஜன் ஆகியோர் நடித்துள்ளனர்.

இந்த படத்தில் பிரபல ஹாலிவுட் நடிகர் ஜேம்ஸ் காஸ்மோ முக்கிய கதாபாத்திரத்தில் நடித்துள்ளார். தொடர்ச்சியான வெற்றிகளை அளித்து வரும் நடிகர் தனுஷ் ரசிகர்கள் மத்தியில் இப்படம் மிகுந்த எதிர்பார்ப்பை கிளப்பிய நிலையில் கொரோனோ காரணமாக இப்படம் வருகிற ஜூன் 18-ந் தேதி நேரடியாக ஓடிடி தளத்தில் வெளியாக உள்ளது.

இப்படத்திற்கு சந்தோஷ் நாராயணன் இசையமைத்துள்ளார். ஏற்கனவே வெளியான 'ரகிடா ரகிடா' மற்றும் 'புஜ்ஜி' ஆகிய பாடல்கள் மிகப்பெரிய வரவேற்பை பெற்றன. இந்நிலையில், ஜகமே தந்திரம் படத்தின் 3-வது பாடல் ரிலீஸ் தேதி அறிவிக்கப்பட்டுள்ளது. அதன்படி வருகிற மே 22-ந் தேதி 'நேத்து' என்கிற பாடல் வெளியிடப்படும் என தெரிவிக்கப்பட்டுள்ளது. இதனால் தனுஷ் ரசிகர்கள் உற்சாகமடைந்து சமூக வலைதளங்களில் #Nethu என்கிற ஹேஷ்டேக்கை பகிர்ந்து வருகின்றனர்.