குழப்பத்தில் ரசிகர்கள் : தனுஷ், செல்வராகவன் இணையும் படத்தில் இப்படி ஒரு ட்விஸ்ட்டா?

இயக்குனர் செல்வராகவன், நடிகர் தனுஷ் இணையும் புதிய படத்தின் தலைப்பு மாறும் என அறிவிப்பு வெளியாகியுள்ளது.

தமிழ் சினிமாவில் தனித்துவமான இயக்குனர்களுள் ஒருவர் செல்வராகவன். இவர் தனுஷை வைத்து இயக்கிய காதல் கொண்டேன், புதுப்பேட்டை, மயக்கம் என்ன படங்கள் காலங்களை கடந்தும் ரசகர்களால் பெரிதும் கொண்டாடப்படுகின்றன. இதனையடுத்து இவர்களின் புதிய படத்தின் அறிவிப்பை ரசிகர்கள் எப்போதும் எதிர்பார்த்த வண்ணம் ஆர்வமாக உள்ளனர்.

இவர்கள் இருவரும் தற்போது 10 ஆண்டுகளுக்கு பின் 'நானே வருவேன்' படத்தின் மூலம் மீண்டும் இணைந்து பணியாற்ற உள்ளனர். வி கிரியேசன்ஸ் சார்பில் தாணு தயாரிக்கும் இப்படத்திற்கு யுவன் சங்கர் ராஜா இசையமைக்கிறார். இப்படத்தின் படப்பிடிப்பு வருகிற ஆகஸ்ட் மாதம் தொடங்க உள்ளது.

இதற்கிடையில் நானே வருவேன் படத்தின் தலைப்பு மாற்றப்பட உள்ளதாக தகவல் வெளியாகி உள்ளது. விரைவில் புதிய தலைப்பை தயாரிப்பாளர் தாணு வெளியிடுவார் எனவும் அறிவிக்கப்பட்டுள்ளது.