"துடிக்குது புஜம்! ஜெயிப்பது நிஜம்!" - வெளியானது 'விக்ரம்' முதல் பார்வை!

வெளியானது 'உலகநாயகன்' கமல்ஹாசன் நடிப்பி 'விக்ரம்' படத்தின் முதல் பார்வை.

மாஸ்டர் படத்தின் வெற்றியை தொடர்ந்து, இயக்குனர் லோகேஷ் கனகராஜ் அடுத்ததாக கமலின் விக்ரம் படத்தை இயக்க உள்ளார். இது நடிகர் கமலின் 232-வது படம். லோகேஷ் கனகராஜ் இயக்கும் இப்படத்தை கமலின் சொந்த தயாரிப்பு நிறுவனமான ராஜ்கமல் பிலிம்ஸ் நிறுவனம் தயாரிக்கிறது.

இதனை தொடர்ந்து நேற்று இயக்குனர் லோகேஷ் கனகராஜ் படத்தின் முதல் பார்வை இன்று வெளியாகும் என தனது ட்விட்டர் பதிவில் அறிவித்தார். அறிவித்தபடி இன்று மாலை 5 மணியளவில் கமல், விஜய் சேதுபதி, பகத் ஃபாஸில் ஆகிய மூன்று பேரின் முகங்களும் தெரியும்படியான ஒரு முதல் பார்வையை படக்குழுவினர் வெளியிட்டுள்ளனர்.