மிகவும் எதிர்பார்க்கப்பட்ட வலிமை திரைப்படத்தின் மறு வெளியீட்டு தேதி அறிவிக்கப்பட்டுள்ளது.
போனி கபூர் தயாரிப்பில் இயக்குனர் வினோத் இயக்கத்தில் அஜித் நடித்த படம் 'வலிமை'. தமிழ் திரையுலகில் இதுவரை வெளியான படங்களை விட வலிமை படத்திற்கு கடந்த இரண்டு ஆண்டுகளாக அதிக எதிர்பார்ப்பு நிலவி வந்தது. ஏற்கனவே ஜனவரி மாதம் வெளியாகும் என அறிவிக்கப்பட்ட நிலையில் கொரோனா பரவல் காரணமாக மீண்டும் தேதி குறிப்பிடாமல் வலிமை பட வெளியீட்டை படக்குழுவினர் நிறுத்தி வைத்திருந்தனர்.
தற்பொழுது கொரோனா பரவல் சற்று குறைந்துள்ள நிலையில் வலிமை படத்தின் மறு வெளியீட்டு தேதி அறிவிக்கப்பட்டுள்ளது. அந்த வகையில் இந்த மாதம் பிப்ரவரி 24'ம் தேதி 'வியாழக்கிழமை' அன்று திரையரங்குகளில் வெளியாகும் என படத்தின் தயாரிப்பாளர் போனி கபூர் அறிவிப்பு வெளியிட்டுள்ளார்.