அருண் விஜய் நடிப்பில் உருவாகியுள்ள யானை திரைப்படம் பெரும் தொகைக்கு தமிழகம் முழுவதும் விற்பனையாகி உள்ளது.
இயக்குனர் ஹரி இயக்கத்தில் அருண் விஜய் நடிப்பில் உருவாகியுள்ள திரைப்படம் 'யானை', அருண்விஜயின் 33வது படமாக இப்படத்தை ட்ரம்ஸ்டிக் நிறுவனம் தயாரித்துள்ளது. ஜீ.வி.பிரகாஷ் இசையமைத்துள்ளார், அருண் விஜய்க்கு ஜோடியாக ப்ரியா பவானி சங்கர் நடித்துள்ளார். மேலும் யோகிபாபு, இமான் அண்ணாச்சி, தலைவாசல் விஜய் ஆகியோர் நடித்துள்ளனர், இப்படம் விரைவில் வெளியாக உள்ளது.
சமீபத்தில் இப்படத்தின் டீசர் வெளியாகி ரசிகர்கள் மத்தியில் நல்ல வரவேற்ப்பை பெற்றது. இந்நிலையில் படத்தின் தமிழக திரையரங்கு உரிமையை கே.கே.ஆர் நிறுவனம் பெற்றுள்ளதாக தகவல் வெளியாகியுள்ளது, பெரும் தொகையை கொடுத்து அந்நிறுவனம் அப்படத்தை வாங்கி உள்ளதாகவும் தெரிகிறது.