'பீஸ்ட்' டிரெய்லர் திரையிடப்பட்ட திரையரங்கம் அடித்து நொறுக்கப்பட்டது

'பீஸ்ட்' டிரெய்லர் திரையிடப்பட்ட திரையரங்கத்தை ரசிகர்கள் அடித்து நொறுக்கியது பரபரப்பு ஏற்பட்டுத்தியுள்ளது.

விஜய் நடித்து வரும் ஏப்ரல் 13'ஆம் தேதி வெளியாகவிருக்கும் படம் 'பீஸ்ட்' இதன் டிரைலர் நேற்று மாலை 6 மணியளவில் வெளியானது. திருநெல்வேலியில் உள்ள ஒரு பிரபலமான 'ராம் திரையரங்கில்' நேற்று மாலை 'பீஸ்ட்' ட்ரைலர் திரையிடப்பட்டது ஆனால் நூற்றுக்கணக்கான ரசிகர்களை ஒரே நேரத்தில் திரையரங்கின் உள்ளே செல்ல அனுமதித்ததால் கூட்டம் அலைமோதியது. ட்ரெய்லரை பார்க்க ஒரே நேரத்தில் முண்டியடித்துக் கொண்டு ரசிகர்கள் கூட்டம் திரண்டதால் அங்கு பதட்டம் நிலவி இருக்கைகள் மற்றும் கண்ணாடிகள் போன்றவைகள் அடித்து நொறுக்கப்பட்டன.

இதுகுறித்து வீடியோக்கள் மற்றும் புகைப்படங்கள் வெளியாகி சமூகவலைதளத்தில் பரபரப்பாக உலா வருகிறது. சில நூறு பேர் அமரக்கூடிய திரையரங்கில் இதே மாதிரி பல நூறு பேரை அனுமதித்தால் அதற்கேற்ற விளைவுகள் மோசமாக இருக்கும் என்பதை அனுபவப்பூர்வமாக திரை உலகம் தற்பொழுது ஏற்றுக் கொண்டுள்ளது.