தள்ளிப்போகும் 'மாமனிதன்' வெளியீடு - காரணத்துடன் உருக்கமான பதில் கூறிய ஆர்.கே.சுரேஷ்

விஜய் சேதுபதி நடிப்பில் உருவாகி இருக்கும் 'மாமனிதன்' திரைப்படம் வெளியீடு தள்ளிப் போவதாக படத்தின் தயாரிப்பாளர் ஆர்.கே சுரேஷ் தெரிவித்துள்ளார்.

இயக்குனர் சீனு ராமசாமி இயக்கத்தில் விஜய் சேதுபதி, காயத்ரி நடித்துள்ள படம் 'மாமனிதன்', யுவன் சங்கர் ராஜா தனது 'ஒய்.எஸ்.ஆர்' நிறுவனம் மூலம் இந்தப் படத்தை தயாரித்துள்ளார். இந்த படத்திற்கு இளையராஜா மற்றும் யுவன் சங்கர் ராஜா இணைந்து முதன்முறையாக இசையமைத்துள்ளனர். வருகிற மே 20-ஆம் தேதி வெளியாக இருந்த இந்த திரைப்படம் தற்போது வெளியீட்டு தேதியில் மாற்றம் ஏற்பட்டுள்ளது.

தயாரிப்பாளர் ஆர்.கே.சுரேஷ் 'மாமனிதன்' படத்தின் வெளியீட்டு உரிமையை தமிழகம் முழுவதும் பெற்றிருந்தார், இந்த நிலையில் வரும் மே 20-ஆம் தேதியிலிருந்து ஜூன் 24-ஆம் தேதிக்கு 'மாமனிதன்' வெளியீடு தள்ளி வைக்கப்படுவதாக அறிவித்துள்ளார். 'தமிழ்நாடு முழுவதும் 400 திரையரங்குகளில் 'மாமனிதன்' படத்தை வெளியிட திட்டமிட்டிருப்பதாகவும் அதனால் படம் வெளியீடு தள்ளிப் போகும் திரையரங்கு உரிமையாளர்கள் மற்றும் விநியோகஸ்தர்களிடம் மனப்பூர்வமாக மன்னிப்பு கேட்டுக் கொள்கிறேன்' எனவும் கூறியுள்ளார்