கொரோனோ காரணமாக கே.ஜி.எஃப் 2 வெளியீடு தேதி குறிப்பிடாமல் தள்ளிப்போகிறது.
இயக்குனர் பிரஷாந்த் நீல் இயக்கத்தில் யாஷ் நடிக்க, கன்னடத்தில் 2018ம் ஆண்டு வெளிவந்த படம் 'கே.ஜி.எப்'. தென்னிந்தியாவின் அனைத்து மொழிகளிலும் மிகப்பெரிய வெற்றியை குவித்தது கே.ஜி.எஃப்.
இதனையடுத்து இப்படத்தின் இரண்டாம் பாகமான 'கே.ஜி.எப் 2' படம் துவங்கப்பட்டு கடந்த ஜனவரி மாதம் இப்படத்தின் டீசர் வெளிவந்து பெரும் சாதனையைப் படைத்தது.
இப்படத்தை ஜுலை 16ம் தேதி வெளியிடப் போவதாக ஏற்கெனவே அறிவித்திருந்தார்கள். ஆனால், தற்போதுள்ள சூழ்நிலையில் தியேட்டர்களைத் திறப்பது எப்போது என்பது தெரியாமல் உள்ளது. மேலும் படத்திற்கான இறுதிக்கட்டப் பணிகளும் தாமதமாக நடைபெறுவதால் ஜுலை 16'ல் படம் நிச்சயம் வெளியாக வாய்ப்பில்லை என்பது உறுதியாக கூறப்பட்டுள்ளது.