தளபதி விஜய் அவர்களின் 65 வது படத்தில் பிரபல மலையாள நடிகர் இணையவுள்ளதாக தகவல்கள் வெளியாகியுள்ளன.
இயக்குனர் நெல்சன் இயக்கத்தில் நடிகர் விஜய் தற்போது 'தளபதி 65' படத்தில் நடித்து வருகிறார். இதில் விஜய் ஜோடியாக பூஜா ஹெக்டே நடிக்கிறார். இப்படத்தின் முதற்கட்ட படப்பிடிப்பு ஜார்ஜியாவில் நடைபெற்றது. இதற்காக விஜய் உள்பட சில நடிகர், நடிகைகள் மற்றும் முக்கிய தொழில்நுட்ப கலைஞர்கள் மட்டும் ஜார்ஜியாவுக்கு சென்று வந்தார்கள்.
இதனை தொடர்ந்து அடுத்தக்கட்ட படப்பிடிப்பு இம்மாதம் சென்னையில் தொடங்க உள்ளது. இப்படத்திற்கு அனிருத் இசையமைக்கிறார்.
சன் பிக்சர்ஸ் தயாரிக்கும் இப்படத்தில் பிரபல மலையாள நடிகரான ஷைன் டாம் சாக்கோ இணைய இருப்பதாக தகவல் வெளியாகி உள்ளது. விரைவில் அதிகாரப்பூர்வ அறிவிப்பு வெளியாகும் என்று எதிர்பார்க்கப்படுகிறது.
இந்த ஆண்டு இறுதிக்குள் படப்பிடிப்பு முடிந்து 'தளபதி 65' திரைக்கு வரும் என எதிர்பார்க்கப்படுகிறது.