மிக குறுகிய காலமான 18 நாட்களில் மோகன்லாலின் 'அலோன்' படப்பிடிப்பை முடித்துள்ளனர் படக்குழுவினர்.
பிரபல இயக்குனர் ஷாஜி கைலாஷ் இயக்கியுள்ள படம் 'அலோன்', இதில் கதாநாயகனாக மோகன்லால் நடித்துள்ளார். வெற்றி கூட்டணியான இவர்கள் இருவரும் பல ஆண்டுகள் கழித்து இணைந்துள்ளனர்.
அக்டோபர் மாதம் முதல் வாரத்தில் துவங்கிய இந்தப்படத்தின் படப்பிடிப்பை வெறும் 18 நாட்களிலேயே நடத்தி முடித்துள்ளார் இயக்குனர் ஷாஜி கைலாஷ். இதனை உறுதி செய்து தற்போது படப்பிடிப்பு முடிவடைந்ததாக அறிவித்துள்ளது படத்தை தயாரிக்கும் ஆசீர்வாத் சினிமாஸ் நிறுவனம். மிக குறுகிய காலத்தில் நடந்து முடிந்த இப்படத்தின் படப்பிடிப்பு மலையாள திரையுலகில் மற்ற படக்குழுவினரை ஆச்சர்யத்தில் ஆழ்த்தியுள்ளது.