மீண்டும் அண்ணாத்த படப்பிடிப்பிற்கு தயாராகிறார் நடிகர் ரஜினிகாந்த்.!

நடிகர் ரஜினிகாந்த் நடித்து வரும் அண்ணாத்த படப்பிடிப்பு பற்றிய தகவல் தற்போது வெளியாகியுள்ளது. அண்ணாத்த படத்தின் படப்பிடிப்பு கடந்த 2019 ஆம் ஆண்டு தொடங்கப்பட்டது. படப்பிடிப்பு ஐதராபாத்தில் நடந்து வந்த நிலையில் கொரோனா ஊரடங்கால் படப்பிடிப்பு தள்ளிப்போனது.

இதனையடுத்து மீண்டும் கடந்த டிசம்பர் 14ம் தேதி படப்பிடிப்பு மீண்டும் தொடங்கப்பட்டது. அப்போது படக்குழுவில் பங்கேற்ற சிலருக்கு கொரோனா தொற்று ஏற்பட்டதால் படப்பிடிப்பு பாதியிலேயே நிறுத்தப்பட்டது. மேலும் நடிகர் ரஜினிக்கு புதிய கட்சி ஆரம்பிக்கின்ற தேவை அதிகமாக இருந்ததால், படப்பிடிப்பு தளத்தில் அவருக்கு ரத்த அழுத்தம் அதிகமாகியது. இதனால் அவர் மருத்துவமனையில் அனுமதிக்கப்பட்டு சிகிச்சை பெற்றார். இதன் பின்னர் சென்னையில் உள்ள அவரது வீட்டில் ஓய்வு எடுத்து வருகிறார். 

இந்நிலையில், ரஜினிகாந்தின் அண்ணாத்த படப்பிடிப்பு பிப்ரவரி கடைசியில் அல்லது மார்ச் மாதம் தொடக்கத்தில் நடைபெறும் என கூறப்பட்டுள்ளது.
இந்த படப்பிடிப்பானது ஐதராபாத்தில் தொடர்ந்து நடைபெறும் எனவும் செய்திகள் வெளியாகியுள்ளது. இப்படம் நவம்பர் 4ம் தேதி வெளியிட முடிவு செய்யப்பட்டுள்ளது குறிப்பிடத்தக்கது.