பிரபல நடிகர் வெங்கட் சுபா கொரோனா தொற்றால் உயிரிழப்பு.!

நடிகர் வெங்கட் சுபா கொரோனா வைரஸ் தொற்றால் பாதிக்கப்பட்டு சிகிச்சை பெற்று வந்த நிலையில், சிகிச்சை பலனின்றி உயிரிழந்தார்.

தமிழகத்தில் கொரோனா வைரஸ் தொற்றின் 2வது அலை மிகத் தீவிரம் அடைந்துள்ளது. இதனால் தினமும் 30 ஆயிரத்துக்கும் மேற்பட்டோர்கள் தொற்றால் பாதிக்கப்பட்டு வருகின்றனர். இதுவரை 20 லட்சத்து 9 ஆயிரத்து 700ஆக உயர்ந்துள்ளது.

கடந்த 24 மணி நேரத்தில் தமிழகத்தில் மட்டும் 486 பேர் கொரோனா தொற்றால் உயிரிழந்துள்ளனர். மொத்த உயிரிழந்தவர்களின் எண்ணிக்கை 22,775 ஆக உயர்ந்துள்ளது. தமிழகத்தில் கொரோனா தொற்றுக்கு பொதுமக்கள் மட்டுமின்றி பிரபல நடிகர்கள் மற்றும் அரசியல் பிரமுகர்கள் எனவும் பலரும் உயிரிழந்து வருகின்றனர்.

இந்நிலையில், நடிகர் வெங்கட் சுபா கொரோனா தொற்றால் பாதிக்கப்பட்டு சென்னை தனியார் மருத்துவமனையில் சிகிச்சை பெற்று வந்த நிலையில், சிகிச்சை பலனின்றி உயிரிழந்தார். இவரது மறைவுக்கு பலரும் இரங்கல் தெரிவித்து வருகின்றனர்.