டீ கடையில் முதலீடு செய்த பிரபல நடிகை !

நடிகை நயன்தாரா பிரபல டீ நிறுவனமான சாய் வாலே வில் முதலீடு செய்துள்ளதாக தகவல் வெளியாகியுள்ளது.

சினிமா நடிகர்கள் மற்றும் நடிகைகள் பலர் மற்ற தொழில்களிலும் முதலீடு செய்து வருவது சமீபகாலமாக அதிகரித்து வருகிறது. வயதான காலங்களில் எளிதாக காலத்தை கழிப்பதற்காகவும் பணத்தை மேலும் பெருக்குவதற்காகவும் நடிகர்கள் இது போன்ற உத்திகளை கையாண்டு வருகின்றனர். 

அந்த வகையில், நடிகை நயன்தாரா சாய் வாலே என்ற டீ நிறுவனத்தில் முதலீடு செய்துள்ளார். சென்னை உட்பட பல்வேறு இடங்களில் கிளைகளை அதிகரிக்க அந்நிறுவனம் முடிவு செய்துள்ளது. அந்த வகையில் சுனில் சேத்தியா, சுனில் குமார் சிங்க்வி, மனிஷ் மார்டியா போன்ற முதலீட்டாளர்கள் உள்ள இப்பட்டியலில் தற்போது நடிகை நயன்தாராவும் இயக்குநர் விக்னேஷ் சிவனும் இணைந்துள்ளனர்.

Source: News 7 Tamil

Image Courtesy: Google