இயக்குனர் முத்தையா இயக்கத்தில் ஆர்கே சுரேஷ் நடிக்கும் படம்.!

தமிழ் சினிமாவில் 'தாரை தப்பட்டை' படத்தின் மூலம் நடிகராக அறிமுகமானவர் ஆர்.கே.சுரேஷ். தற்போது முத்தையா இயக்கத்தில் அடுத்த படம் ஆர்கே சுரேஷ் கதாநாயகனாக நடிக்க இருக்கிறார் என்ற தகவல் வெளிவந்துள்ளது.

இந்நிலையில் முத்தையா 'தேவராட்டம்' படத்தை தொடர்ந்து விக்ரம் பிரபு கதாநாயகனாக நடிக்கும் படத்தை இயக்கி வருகிறார். இதில் லட்சுமி மேனன் நாயகியாக நடித்து வருகிறார். முழுக்க மதுரையைச் சுற்றியுள்ள பகுதிகளில் படப்பிடிப்பு நடத்தப்பட்டு வரும் இந்தப் படத்தை 'சன் பிக்சர்ஸ் நிறுவனம்' தயாரித்து வருகிறது.இந்த படத்திற்கு "பேச்சி" என்று தலைப்பிடப்பட்டுள்ளது. படத்தை நேரடியாக தியேட்டர்கள் வெளியிடாமல் சன் டிவியில் ஒளிபரப்பும், சன் நெக்ஸ்ட்டிலும் வெளியிட திட்டமிட்டுள்ளனர்.

ஏற்கனவே முத்தையா இயக்கத்தில் ஆர்.கே சுரேஷ் 'மருது' படத்தில் விஷாலுக்கு வில்லனாக நடித்திருந்தார் என்பது குறிப்பிடத்தக்கது. வில்லனாக அவர் பயணத்தை தொடங்கி தற்போது பல படங்களில் இவர் கதாநாயகனாக நடித்து வருகிறார் அந்த வகையில் 'விசித்திரன்','வேட்டை நாய்' ஆகிய படத்தில் நடிக்க இருக்கிறார் என்ற தகவல் வெளிவந்துள்ளது.

இச்செய்தியை ஆர்.கே சுரேஷ் தனது ட்விட்டர் பக்கத்தில் அதிகாரப்பூர்வமாக அறிவித்து இருக்கிறார். இச்செய்தி அவரது ரசிகர்களுக்கு மிகவும் மகிழ்ச்சியை ஏற்படுத்தியுள்ளது.