பிரபல ஹீரோ உடன் இணையும் இயக்குனர் லிங்குசாமி.!

தென்னிந்திய சினிமாவில் முன்னணி இயக்குனர்களில் ஒருவராகத் திகழ்பவர் லிங்குசாமி. இவர் ஆனந்தம் என்ற திரைப்படத்தின் மூலம் தமிழ் சினிமாவில் இயக்குனராக அறிமுகமானவர். அதன்பின் முன்னணி நடிகர்களை வைத்து ரன், பையா, அஞ்சான், சண்டக்கோழி போன்ற வெற்றி படங்களை கொடுத்தவர்.

அந்த வகையில் இவரின்  சண்டக்கோழி-2 என்ற வெற்றி  திரைப்படத்திற்கு பிறகு அடுத்த படத்திற்கான அறிவிப்பை அறிவித்துள்ளார். லிங்குசாமியின் அடுத்த படத்தில் பிரபல தெலுங்கு நடிகர் ராம் பொத்தேனி ஹீரோவாக நடிக்க உள்ளார் எனவும் இப்படம் தமிழ் தெலுங்கு என இருமொழிகளிலும் உருவாக்கப்பட இருப்பதாக அதிகாரப்பூர்வ தகவல் வெளிவந்துள்ளது.

இப்படத்தை தெலுங்கு தயாரிப்பாளரான ஸ்ரீனிவாச சித்தூரி என்பவர் தயாரிக்கவுள்ளார் எனவும் படத்தின் படப்பிடிப்பு விரைவில் தொடங்க இருப்பதாகவும் படத்தில் நடிக்கும் மற்ற நடிகர், நடிகையர் மற்றும் தொழில்நுட்ப கலைஞர்கள் குறித்த தகவல்கள் விரைவில் வெளியாகும் என்றும்  கூறப்பட்டுள்ளது. இதை அறிந்த தமிழ், தெலுங்கு ரசிகர்கள் உற்சாகத்தில் உள்ளனர்.