பிரபல தயாரிப்பாளர் கே.பி.பிலிம்ஸ் பாலு காலமானார்.. திரையுலகினர் அதிர்ச்சி.!

பிரபல சினிமா தயாரிப்பாளர் கே.பாலு உடல்நலக்குறைவு காரணமாக இன்று காலை உயிரிழந்தார். இயக்குநர் பி.வாசு இயக்கத்தில் நடிகர் பிரபு, நடிகை குஷ்பூ உள்ளிட்ட திரைபிரபலங்கள் நடித்த சின்னதம்பி திரைப்படம் வெளியாகி 29 ஆண்டுகள் நிறைவடைந்துள்ளது. இன்றும் இந்த படம் மக்கள் மத்தியில் பேசும் படமாகவே உள்ளது.

அந்த வகையில் சின்னத்தம்பி உட்பட 15க்கும் அதிகமான திரைப்படங்களை தயாரித்த பெருமை தயாரிப்பாளர் கே.பி.ஃபிலிம்ஸ் பாலுவையே சேரும்.

இவர் கடந்த மாதம் உடல்நலக்குறைவு காரணமாக சென்னை அடையாறில் உள்ள தனியார் மருத்துவமனையில் சிகிச்சைக்காக அனுமதிக்கபட்டார். அங்கு அவருக்கு பரிசோதனை செய்ததில் அவருக்கு கொரோனா இருப்பது உறுதியானது. இதனையடுத்து அங்கு அவருக்கு தீவிர சிகிச்சை அளிக்கப்பட்டு வந்த நிலையில் அவர் இன்று சிகிச்சை பலனின்றி உயிரிழந்தார்.

இவரது மறைவு திரையுலகினரை அதிர்ச்சியடைய செய்துள்ளது. மேலும், அவரது மறைவுக்கு பல திரைபிரபலங்கள் இரங்கல் தெரிவித்து வருகின்றனர்.