த்ரிஷ்யம்-2 படத்தின் ரிமேக் குறித்த தகவல்.! ஒரே மாதத்தில் படத்தை முடிக்க திட்டம்..!

மலையாள சினிமாவில் மோகன்லால், மீனா நடிப்பில் ஜீத்து ஜோசப் இயக்கிய 'த்ரிஷ்யம் 2’ திரைப்படம் சமீபத்தில் OTT-யில் ரிலீஸ் ஆன நிலையில் இப்படத்திற்கு அதிக பாசிட்டிவ் விமர்சனங்கள் குவிந்து வருகிறது. மேலும் பல பிரபலங்களும்  இப்படத்தை புகழ்ந்து வருகின்றனர் என்பது குறிப்பிடத்தக்கது.

 

அந்தவகையில் த்ரிஷ்யம் 2 படத்தின் முதல் பாகத்தைப் போலவே 2-ம் பாகத்தையும் ரீமேக் செய்ய கிட்டத்தட்ட அனைத்து மொழிகளிலும் உள்ள தயாரிப்பாளர்கள் ஆர்வம் காட்டி வரும் நிலையில்  இதில் முதல் முதலாக தெலுங்கு திரையினர் எடுக்க முடிவு செய்துள்ளனர்.

தெலுங்கில் த்ரிஷ்யம் என்ற படத்தில் நடித்த வெங்கடேஷ் த்ரிஷ்யம் 2  படத்தில் நடிக்க ஒப்பந்தமாகி உள்ளார் என தகவல் வெளியாகியுள்ளது. இப்படத்தையும் மலையாள இயக்குனர் ஜீத்து ஜோசப் இயக்க உள்ளதாக படக்குழுவினர் தெரிவித்துள்ளனர். இப்படத்தின் படப்பிடிப்பு வரும் மார்ச் மாதம் தொடங்க இருப்பதாகவும்,ஒரே மாதத்தில் படப்பிடிப்பை முடிக்க திட்டமிட்டு உள்ளதாகவும் தகவல்கள் வெளிவந்துள்ளன. இதுகுறித்த தகவல்கள் இன்னும் சில நாட்களில் வெளிவரும் என்றும் படக்குழுவினர் அறிவித்துள்ளனர்.