வித்யாசமான இரு வேடங்களில் காஜல் அகர்வால் : இயக்குனர் அளித்த சுவாரசிய தகவல்!

'கருங்காப்பியம்' படத்தில் இரண்டு கதாபாத்திரங்களில் நடிக்கிறார் காஜல் அகர்வால்.

இயக்குனர் டீகே தற்போது இயக்கி முடித்துள்ள படம் 'கருங்காப்பியம்'. இதில் காஜல் அகர்வால், ரெஜினா கசாண்ட்ரா, ரைசா வில்சன் மற்றும் ஜனானி உள்பல பலர் நடிக்கிறார்கள். இதுவும் யாமிருக்க பயமே' பாணியிலான திகில் படம். காஜல் அகர்வால் இரண்டு வித கேரக்டரில் நடிக்கிறார்.

இது குறித்து இயக்குனர் டீகே கூறியதாவது, "இது புராணக்கதை அல்ல. அடிப்படையில் பல சுவாரஸ்யமான விஷயங்களை கொண்ட ஒரு கதை. இந்த படத்தில் பார்வையாளர்கள் வித்தியாசமான காஜலைப் பார்க்க முடியும். அவருடைய தோற்றம் கூட மிகவும் வித்தியாசமானது, அந்தக் கால ஜமீன்தார்களின் வாழ்க்கை முறைகளை ஆராய்ந்து காஜலின் கேரக்டரை செதுக்கினோம். பொள்ளாச்சியில் படமாக்கப்பட்ட அவரது பகுதிக்கென்று ஒளிப்பதிவு, இசை எல்லாவற்றையும் வித்தியாசப்படுத்தி இருக்கிறோம்" என்கிறார் இயக்குனர் டீகே.