மன நிம்மதி கிடைக்கிறது.. 2 நாட்களாக இளையராஜா ஸ்டூடியோவில் முகாமிடும் நடிகர் ரஜினிகாந்த்.!

நடிகர் ரஜினிகாந்த் அரசியல் கட்சி தொடங்குவார் என்று எதிர் பார்த்துக் காத்திருந்த ரசிகர்களுக்கு இன்ப அதிர்ச்சி அளிக்கும் விதமாக தனது முடிவை அறிவித்தார். கொரோனா மற்றும் தனது உடல்நிலையை கருத்தில் கொண்டு அரசியல் கடசி தொடங்கப்போவதில்லை என அறிவித்தார். அவரது அறிவிப்பு ரசிகர்கள் மட்டுமின்றி ஒட்டு மொத்த தமிழக மக்களுக்கும் அதிர்ச்சி தரும்படியாக இருந்தது. இதனையடுத்து அவர் கடந்த ஒரு மாதத்திற்கு மேலாக வீட்டிலேயே ஓய்வு எடுத்து வந்தார். கடந்த சில நாட்களுக்கு முன்னர் தனது மருகனும் நடிகருமான தனுஷ் புதிய வீடு கட்டுவதற்கு பூமி பூஜை நடைபெற்றது. அதில் மட்டுமே அவர் கலந்து கொண்டார்.

இந்நிலையில், இசைஞானி இளையராஜா, சென்னை கோடம்பாக்கத்தில் புதிய ஸ்டூடியோவை அமைத்துள்ளார். அந்த ஸ்டூடியோவில் பல அதி நவீன தொழில்நுட்பங்களுடன் அமைக்கப்பட்டுள்ளதாக கூறப்படுகிறது. மேலும் அந்த ஸ்டூடியோவில் கடந்த வாரம் முதல் பாடல் பதிவு தொடங்கப்பட்ட நிலையில், ஸ்டூடியோவை பார்வையிடுவதற்காக இளையராஜாவிடம் தொலைபேசி மூலம் ரஜினிகாந்த் கேட்டுள்ளார்.

அதற்கு இளையராஜா நீங்கள் தாராளமாக வாங்கள் என கூறியுள்ளார். இதனிடையே அவர் கடந்த 2 நாட்களாக இளையராஜா ஸ்டூடியோவிற்கு சென்று வருகிறார். மேலும், அவருக்கு ஸ்டூடியோ முழுவதும் சுற்றி காண்பித்துள்ளார். இதனிடையே ரஜினிகாந்த் மிகவும் ஒரு மாத்திற்கு மேலாக வீட்டிலேயே ஓய்வு எடுத்து வந்த பின்னர் முதன் முதலாக இளையராஜா ஸ்டூடியோவை பார்வையிட்டுள்ளார். ஸ்டூடியோவிற்குள் சென்றால் மன நிம்மதி கிடைக்கிறது என ரஜினிகாந்த் கூறியுள்ளார்.

மேலும் கொரோனா தொற்று காரணமாக எங்கேயும் செல்லாமல் இருந்து வந்த ரஜினி தற்போது இளையராஜாவின் ஸ்டூடியோவிற்கு மட்டும் சென்று வருகிறார் என்பது குறிப்பிடத்தக்கது.