வலிமை படத்தின் அப்டேட் கேட்ட ரசிகர்களுக்கு தல அஜித்தின் அறிவுரை அறிக்கை!
வலிமை படத்தின் அப்டேட் கேட்ட ரசிகர்களுக்கு தல அஜித்தின் அறிவுரை அறிக்கை!;
தல அஜித் நடித்து வரும் படம் வலிமை. பல நாட்களாக ஷூட்டிங் நடைபெற்று வரும் நிலையில், வலிமை படம் குறித்து எந்த ஒரு அப்டேட்டும் வராமல் இருந்தது. ஆனால் அஜித் ரசிகர்கள் இப்படம் குறித்து இயக்குனர் எச்.வினோத் மற்றும் தயாரிப்பாளர் போனிகபூரிடமும் படம் ரிலீஸ் தேதி, ட்ரெய்லர் குறித்து அப்டேட் கேட்டும் பதிலளிக்காமல் இருக்கின்றனர்.
அதன்படி வலிமை படத்தின் எந்த ஒரு அப்டேட்டும் வராததினால் ஏற்கனவே தமிழக முதல்வர் எடப்பாடி பழனிச்சாமி உள்பட பலரிடம் வலிமை அப்டேட் கேட்டு வரும் அஜித் ரசிகர்கள் தற்போது சென்னை சேப்பாக்கம் மைதானத்திலும் வலிமை அப்டேட்டை கேட்கத் தொடங்கிவிட்டனர். கிரிக்கெட் டெஸ்ட் போட்டி சென்னை சேப்பாக்கம் மைதானத்தில் நடைபெற்ற போது அஜித் ரசிகர் ஒருவர் வலிமை அப்டேட் வேண்டும் என்ற போஸ்டரை கையில் பிடித்துக்கொண்டு எடுத்துக்கொண்ட புகைப்படம் வைரல் ஆனது.
இந்நிலையில் இதை அறிந்த நடிகர் அஜித் ஒரு அறிக்கை ஒன்றை வெளியிட்டு இருக்கிறார். அந்த அறிக்கையில் கடந்த சில நாட்களாக என் ரசிகர்கள் என்ற பெயரில் நான் நடித்து இருக்கும் "வலிமை" சம்பந்தப்பட்ட அப்டேட் கேட்டு அரசு, அரசியல், விளையாட்டு மற்றும் பல்வேறு இடங்களில் சிலர் செய்து வரும் செயல்கள் என்னை வருத்தமுற செய்கிறது. முன்னரே அறிவித்தபடி படம் குறித்த செய்திகள் உரிய நேரத்தில் வரும். அதற்கான காலத்தை, நேரத்தை நான் தயாரிப்பாளருடன் ஒருங்கிணைந்து நிர்ணயம் செய்வேன். அதுவரை பொறுமையுடன் காத்திருக்கவும். உங்களுக்கு சினிமா ஒரு பொழுது போக்கு மட்டுமே, எனக்கு எனிமா ஒரு தொழில். நான் எடுக்கும் முடிவுகள் என் தொழில் மற்றும், சமூக நலன் சார்ந்தவை. நம் செயல்களே சமூகத்தில் நம் மீது உள்ள மரியாதையை கூட்டும்.
இதை மனதில் கொண்டு ரசிகர்கள் பொது வெளியிலும், சமூக வலைத்தளங்களிலும் கண்ணியத்தையும், கட்டுப்பாட்டையும் கடைப்பிடிக்க வேண்டும் என கேட்டுக் கொள்கிறேன். என் மேல் உண்மையான அன்பு கொண்டவர்கள் இதை உணர்ந்து செயல்படுவார்கள் என நம்புறேன் என்று கூறியுள்ளார். இந்த அறிக்கை தற்போது சமூக வலைதளங்களில் வைரலாக வருகிறது.
— Suresh Chandra (@SureshChandraa) February 15, 2021